«Hartııanyń bastamashysy retinde búkil prosestiń monıtorıngi halyqaralyq standarttar negizinde júrgizildi dep aıta alamyn. Baıqaý úsh kezeńmen ótedi. Birinshisi – bul ýchaskelerdi daıyndaýdyń saılaýǵa deıingi monıtorıngi. Halyqaralyq mamandar atap ótkendeı, bári jaqsy deńgeıde bolǵany bizdi qýantty. Ýchaskeler der kezinde daıyn bolyp, barlyq ýchaskelerde mobıldi medısınalyq kabınetter uıymdastyryldy, saılaýshylardyń barlyq sanaty úshin teń qoljetimdilik qamtamasyz etildi. Ekinshi – saılaý kúni, munda prosess óreskel oqıǵalarsyz ótti. Partııalar men BAQ tarapynan barlyǵy óte órkenıetti boldy dep aıtýǵa bolady», dedi A.Soloveva.
Rafael Gasanov «Jastarǵa jol» qoǵamdyq qorynyń shtaby atqarǵan jumystarǵa baǵa bere kele: «Tańǵy saǵat 10-da bizdiń sarapshylar shtabtyń jedel jelisine túsken barlyq derekti jáne táýelsiz baıqaýshylardyń hattamalaryn zerttedi. Qazir jalpy saılaý sátti ótti dep aıtýǵa bolady, bizdiń baıqaýshylar saılaý prosesiniń óreskel buzylýyn nemese saılaýshylardyń azamattyq quqyqtarynyń buzylýyn kezdestirgen joq», dedi.
R.Gasanovtyń aıtýynsha, erekshe nazar aýdarýǵa laıyqty sátter boldy. Keleńsiz jaǵdaılar faktileri men jaǵdaılary tirkelgen, olar jiktelip, qorytyndy esepke engiziletin bolady.
«Biz áleýmettik jeliler monıtorınginen kelip túsken, «arandatýshylyq» sıpattaǵy aqparatty eskermedik. Biz osy faktilerdi rastaý nemese joqqa shyǵarý úshin resmı organdarǵa suraý saldyq. Bul sátter de tirkelip, faktilerdiń túpnusqalyǵyn anyqtaý jáne prosessýaldyq sheshim qabyldaý úshin tıisti qadaǵalaý organdaryna beriletin bolady», dedi R.Gasanov.
ALMATY
