Pikir • 12 Qańtar, 2021

Joǵary deńgeıde uıymdastyryldy

301 ret

kórsetildi

1 mın

oqý úshin

Elimizdegi Parlament Májilisi depýtattaryn saılaý barysyn qadaǵalaýǵa jan-jaqtan sheteldik baıqaýshylar keldi. Solardyń qatarynda RF Memlekettik dýmasyndaǵy TMD, Eýrazııalyq ıntegrasııa jáne otandastarmen baılanys komıteti tóraǵasynyń orynbasary, halyqaralyq baıqaýshy Ýmahan Ýmahanov ta bar. Ol Qazaqstandaǵy saılaý óte ádil jáne joǵary deńgeıde uıymdastyryldy dep esepteıdi.

Álı BITО́RE

«Biz, Ujymdyq qaýipsizdik týraly shart uıymy (UQShU) baıqaýshylar mıssııasy Parlamenttik Assambleıa tóraǵasy Vıacheslav Volodınniń ókimimen birneshe kúnnen beri Qazaqstandamyz. Bul mıssııaǵa UQShU elderiniń barlyǵy kiredi. Saılaý kúni Nur-Sultandaǵy 49 saılaý ýchaskesinde boldyq. Birde-bir zańbuzýshylyq tirkelgen joq. Saılaý óte joǵary deńgeıde uıymdastyryldy. Pandemııaǵa baılanysty qorǵanysh quraldary, bir rettik maskalar men qolǵaptar taratyldy. Osynaý kúrdeli ýaqytta Qazaqstan saılaýdy qalaı uıymdastyrǵanyn kórdik jáne ózge elder de qazaqstandyq tájirıbeni qoldanady dep oılaımyn», deıdi ol.

Ýmahanovtyń aıtýynsha, UQShU baıqaýshylary Qazaqstannyń barlyq óńirin aralap shyqqan. «Biz keshe saılaý ýchaskeleri jabylǵan soń saılaý komıssııasy múshelerimen kezdesip, jumysty qorytyndyladyq. Bizdiń ókilder júrgizgen jumysta birde-bir zańbuzýshylyq bolmaǵanyn taǵy bir qaıtara aıtqym keledi. Men ózim Memlekettik dýmanyń eki shaqyrylymynda depýtat bola júrip kóptegen saılaýda baıqaýshy boldym. Biraq Qazaqstandaǵy saılaý sekildi joǵary deńgeıdegi uıymdastyrý óte sırek kezdesedi», dep baǵalady halyqaralyq baıqaýshy.