Aýa raıynyń nasharlaýyna baılanysty (qatty jel, boran, shekteýli kóriný) elimizdiń alty óńirinde Nur-Sultan qalasyndaǵy, Soltústik Qazaqstan, Aqmola, Qostanaı, Pavlodar, Qaraǵandy oblystaryndaǵy respýblıkalyq jáne oblystyq mańyzy bar avtojoldarda avtokóliktiń barlyq túrleri úshin qozǵalys jabyldy.
Sonymen qatar «Qazgıdromet» RMK derekteri boıynsha aldaǵy kúnderi elimizdiń segiz óńirinde Nur-Sultan qalasynda, Soltústik Qazaqstan, Aqmola, Qostanaı, Pavlodar, Qaraǵandy, Jambyl, Shyǵys Qazaqstan oblystarynyń keı jerlerinde burqasyn, qar, tuman, jeldiń jyldamdyǵy sekýndyna 15-20 metrge jetedi.
Azamattardy aýa-raıynyń ózgeristerin baqylaýǵa shaqyramyz. Daýyldy eskertý týraly habarlamalardy tyńdap, qajetti saqtyq sharalaryn saqtańyzdar.
