Qazir aımaqta kedergisiz qyzmet kórsetýge arnalǵan 101 front-keńse men open speıs, 17 ashyq ákimdik qyzmet jasaýda, ıaǵnı memlekettik qyzmetshiler halyqqa jaqyndap, turǵyndar qolaıly jaǵdaıda qyzmet alýda.
О́ńirimizde 210 mekemeniń basshysy qyzmettik bólmelerin birinshi qabatta ornalastyrdy. Olardyń kóbisi medısına jáne bilim berý uıymdarynyń basshylary.
Turǵyndar tarapynan áleýmettik obektiler men ınfraqurylymnyń bıýdjetin paıdalanýdyń tıimdiligin baǵalaý maqsatynda «Ashyq bıýdjetterdiń ınteraktıvti kartasy» jobasy da jumys jasap keledi. Atalǵan karta arqyly oblystyń árbir turǵyny bıýdjettik aqshanyń qalaı, ne úshin jáne qansha mólsherde jumsalatynyn kóre alady, – deıdi Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti basshysy Ardaq Erseıitov.
Departament basshysy óńirde «Sapaly jol – Adaldyq alańy» jobasynyń júzege asyrylý barysy jaıly da aıtyp ótti. Bul baǵytta deparament ókilderi, qoǵam belsendileri «Ulttyq jol aktıvteri sapasy» ortalyǵymen birge monıtorıngter júrgizgen.
Onyń barysynda 58 kemshilik anyqtalyp, ony joıý boıynsha merdiger kompanııalarǵa tıisti habarlama jiberildi. Búginde olardyń 28-i oryndaldy.
