12 qańtar kúni saǵat 20:21 shamasynda Qyzylorda oblysy PD-ń Jalaǵash aýdandyq polısııa bólimine «OHOTZOOPROM О́B» RMQ Qyzylorda óńirlik fılıaly mekemesiniń qyzmetkerinen zańsyz ańshylyq týraly habarlama kelip túsken. Onda Aqqyr aýylynan 30 shaqyrym jerdegi «Shiren» degen ýchaskede 36 jastaǵy azamattyń basqarýyndaǵy «Ýaz» avtokóligin toqtatqanyn kórsetken. Tekserý barysynda avtokólik ishinen ańshy myltyqtary men ań aýlaýǵa tyıym salynǵan quraldar, ıaǵnı eki dana jaryq sham (projektor) jáne 13 dana qoıan anyqtalǵan.
Oqıǵa ornyna shyqqan jedel-tergeý tobymen úsh kúdikti 36 jastaǵy jáne 39 jastaǵy eki aýdan turǵyny ustaldy. Barlyq aıǵaqty zattar tárkilendi. Atalǵan derek boıynsha Jalaǵash aýdandyq polısııa bólimimen Qazaqstan Respýblıkasy Qylmystyq kodeksiniń 337-babynyń 1-bóligine sáıkes (Zańsyz ańshylyq) sotqa deıingi tergep-tekserý amaldary júrgizilýde.
