Budan bylaı qazaqstandyqtar Halyk Bank mobıldi qosymshasynda iske asyrylǵan jańa servıstiń kómegimen úıden shyqpaı-aq jeke kásipkerlikti tirkeı alady. Osyǵan deıin bul habarlamany www.egov.kz elektrondyq úkimet portalynda, sondaı-aq Kaspi.kz qosymshasynda jiberý múmkindigi bolǵan.
Habarlamany Halyk Bank qosymshasynda birneshe batyrmalardy basý arqyly jiberýge bolady. Ol «JK bolý» siltemesi boıynsha ótse jetkilikti. Odan keıin júıe aldaǵy qadamdardy usynady. Sondaı-aq JK ashýdyń barlyq prosesi 5 mınýttan aspaıdy.
Eskere ketetin jaıt, nysandy toltyrý kezinde jeke tulǵa qyzmetti júzege asyrýdy josparlap otyrǵan oblystyń memlekettik kirister organynyń kodyn, jeke kásipkerdiń ataýyn, meken-jaıyn, júzege asyrylatyn qyzmet túrin, sondaı-aq salyq salý rejımin tańdaýy kerek.
Habarlamaǵa jeke tulǵanyń elektrondy sıfrlyq qoltanbasymen qol qoıý kerek.
Kelesi kúni jeke kásipker retinde tirkeýdi Memlekettik kirister komıtetiniń www.kgd.gov.kz saıtynda tekserýge bolady.
