Bul jaıynda oblys ákimi Arhımed Muhambetov Instagram paraqshasynda resmı málimet taratty.
«Búgin Qostanaı oblysynda turǵyn úı saıasatyn iske asyrý barysy týraly keńes ótkizdim. 2021 jyly turǵyn úıdi iske qosý kórsetkishin 10% arttyrý mindeti tur, bul degenimiz - 417,2 myń sharshy metr. Oblystyń turǵyn úı saıasatyn iske asyrýǵa bıýdjetten 20,4 mlrd teńge bólindi», dep jazdy Arhımed Muhambetov.
Onyń aıtýynsha, bıylǵy jyldyń birinshi toqsanynda 93,5 myń sharshy metr baspanany paıdalanýǵa berý josparlanǵan, onyń ishinde kópqabatty turǵyn úı – 64,7 myń sharshy metr.
Keńes barysynda Qostanaı, Rýdnyı qalalarynyń jáne Qostanaı aýdanynyń ákimderi bıylǵa arnalǵan turǵyn úı qurylysy boıynsha josparyn baıandady.
«Jıyn qorytyndysy boıynsha turǵyn úı qurylysynyń qarqynyn tómendetpeýdi, ınjenerlik-kommýnıkasııalyq ınfraqurylymdy jetkizý boıynsha jumysty jalǵastyrýdy, sondaı-aq barlyq josparlanǵan nysandardy sapaly jáne merziminde aıaqtaýdy tapsyrdym», deıdi ákim.
