Is-sharaǵa birqatar jergilikti basylymdardyń ókilderi qatysty: «Cheh jańalyqtary», «Praga jańalyqtary», «Memlekettik jańalyqtar», «Aqparattyq Praga», «Allo, jańalyqtar», «E15», «Chehııa radıosy», «Cheh ortalyq telearnasy», sondaı-aq «Integral TV» eýropalyq ınternet-portalynyń ókilderi qatysty.
Qatysýshylarǵa Qazaqstannyń saılaý zańnamasyndaǵy jańalyqtar, saılaýǵa qatysqan saıası partııalar týraly, saılaý prosesiniń barlyq qatysýshylarynyń qaýipsizdigin qamtamasyz etý sharalary týraly, Májilis saılaýyndaǵy daýys berýdiń nátıjeleri týraly, sondaı-aq ótken saılaýǵa halyqaralyq baıqaýshylar men sheteldik BAQ ókilderiniń bergen baǵalary týraly aqparat berildi.
О́z kezeginde cheh sarapshylary Qazaqstannyń saıası ómirindegi osy asa mańyzdy oqıǵaǵa úlken qyzyǵýshylyq tanytyp, Qazaqstandaǵy COVID-19 pandemııasy jaǵdaıynda daýys berýdiń joǵary deńgeıde uıymdastyrylǵanyn atap ótti.
«Praga jańalyqtary» basylymynyń bas redaktory Alesh Flıtcher óz sózinde: «Qazaqstandaǵy saılaý joǵary deńgeıde ótti. Buǵan halyqaralyq baıqaýshylardyń, sonyń ishinde Chehııa ókilderiniń kóptegen baǵalary dálel. Maǵan saılaý naýqanynyń ózi, ásirese, Qazaqstannyń saıası tájirıbesinde alǵash ret engizilgen «praımerız» júıesi erekshe áser qaldyrdy».
