"Bul ózgerister salymshylar óz zeınetaqy jınaqtarynyń bir bóligin basqarýǵa aýdara alatyn BJZQ, Qazaqstan Ulttyq Banki jáne ınvestısııalyq portfeldi basqarýshylar arasyndaǵy komıssııalyq syıaqyny bólýdi, sondaı-aq onyń shekti mólsherlerdń deńgeıiniń tómendeýin kózdeıdi.
Qabyldanǵan túzetýlerge sáıkes, BJZQ úshin tek zeınetaqy aktıvterinen komıssııa qurylady. Sonymen birge kórsetilgen komıssııalyq syıaqynyń shekti mólsheri 60 paıyzǵa – zeınetaqy aktıvterinen aıyna 0,025 paıyzdan 0,01 paıyzǵa deıin tómendetildi", delingen habarlamada.
Sonymen birge Qazaqstan Ulttyq Bankiniń usynysymen onyń komıssııalyq syıaqynyń shekti mólsheri ınvestısııalyq kiristiń 73 paıyzy – 7,5 paıyzdan 2,0 paıyzǵa deıin tómendetildi.
Bank málimetinshe, eger buryn BJZQ ınvestısııalyq kiristen komıssııa alǵan bolsa, onda jańa talaptarǵa sáıkes syıaqy tikeleı ınvestısııalyq portfeldi basqarýshyǵa túsedi. Bul salymshyǵa ınvestısııalyq portfeldi basqarýshynyń komıssııalyq syıaqysy baqylaýǵa múmkindik berip, ózine tıimdi sharttardy tańdaýǵa jaǵdaı jasaıdy.
