Qazaqstan • 15 Qańtar, 2021

Otandyq bıznesti qoldaý sharalary artatyn bolady

172 ret kórsetildi

Búgin QR Prezıdenti Qasym-Jomart Toqaev VII shaqyrylymdaǵy Parlamenttiń birinshi sessııasynyń ashylýynda depýtattyq korpýstyń aldynda turǵan negizgi baǵyttardy aıqyndap berdi, dep habarlaıdy Egemen.kz

«Biz qasterli Táýelsizdigimizdiń 30 jyldyq mereıli mejesine qadam bastyq. Sondaı-aq, qazirgi zamanǵy Qazaqstan parlamentarızmi shırek ǵasyrlyq beleske jetti. Osy tarıhı kezeńde senim mandatyna ıe bolǵan depýtattar el úmitin aqtap, Otanymyzǵa adal qyzmet etedi dep kámil senemin» dedi Memleket basshysy.

Sonymen qatar, Memleket basshysy Parlament palatalarynyń birlesken otyrysynda saıası reformalar júzege asatynyn atap ótti.

Atap aıtqanda, saıası partııalar úshin Májiliske kirý shegin 7-den 5%-ǵa deıin tómendetý – kóppartııalyq júıeniń damýyna jáne partııalyq júıeniń odan ári damýyna yqpal etetindigin baıandady.

Sondaı-aq, aldaǵy ýaqytta barlyq deńgeıdegi saılaýda bıýlletenderge «bárine qarsy» baǵanynyń engiziletindigin jetkizdi. Jarııalanǵan reformalar adam quqyqtaryn qorǵaýǵa baǵyttalatyndyǵy anyq.

Shaǵyn jáne orta bıznesti qoldaýǵa basa nazar aýdarý qajettigin,  bıznes júrgizý úshin qolaıly jaǵdaı jasaý basty mindet ekendigin aıtty. Túbegeıli jańa retteýshilik saıasatqa negizdelgen kásipkerlikti qoldaý tetikterin ázirleý talap etildi.

Elimizdiń ónerkásibi ıkemdi jáne qazirgi ózgeristerge beıim bolýy kerektigin atap, sondyqtan «О́nerkásiptik saıasat týraly» zań qabyldaý ózekti bolyp tabylatynyn jetkizdi.

«О́nerkásiptik saıasat týraly» zań aıasynda otandyq bıznesti qoldaý men yntalandyrýdyń naqty sharalary, tıimdi tetikteri qarastyrylady.

Sonymen qatar, endi aldaǵy ýaqytta aýyl ákimderi men aýdan ákimderi saılaý negizinde taǵaıyndalatyn bolady. «Estıtin memleket» tujyrymdamasy odan ári jetildirile túsedi. Sondaı-aq, jańa standarttarǵa saı, 3500-den astam aýyl tolyq jańǵyryp, árbir aýylǵa baratyn joldar men respýblıkalyq kúre joldar 100 paıyz jóndeletin bolady.

«Reformalardy sapaly zańdar arqyly júrgizý – uzaq merzimdi jetistikke jetýdiń basty sharty. Damyǵan el degenimiz – eń aldymen, deni saý, bilimdi jáne baqýatty jurt. Biz 2025 jylǵa qaraı árbir azamat úshin tıimdi ınstıtýsıonaldyq jáne ınfraqurylymdyq orta qalyptastyramyz. Elimizdiń uzaq merzimdi damýy Sabaqtastyq, Ádildik jáne О́rleý qaǵıdattaryna negizdeledi. Kózdegen maqsatqa jetý úshin barlyq salalarda dáıekti ózgerister jasaımyz», dedi Qasym-Jomart Kemeluly. 

Prezıdent jarııalaǵan bastamalardy sapaly túrde júzege asyrýdyń mańyzy erekshe. Olardyń oryndalýy saıası júıemizdi odan ári damytýǵa, azamattarymyzdyń tolyqqandy damýyna, ál-aýqatynyń artýyna jáne jaıly turmysyna jaǵdaı jasaý bolyp tabylady. Bizdiń aldymyzda turǵan aınymas meje aıqyn.

Bizdiń mindet – memleket basshysynyń bastamalaryn iske asyra otyryp, elimizdi damyǵan memleketterdiń qataryna qosý jolynda aıanbaı eńbek etip, keshendi sharalardyń oryndalýyn zań turǵysynan qamtamasyz etý.

Aldaǵy ýaqytta elimizdiń ál-aýqatyn odan ári jaqsartyp, el ekonomıkasyn damyta túsýdi kózdeıtin jumystardy oryndaýdy áriptesterimizben birlese otyryp jalǵastyratyn bolamyz.

 

 

Álimjan QURTAEV,

Parlament Senatynyń depýtaty

Sońǵy jańalyqtar

Áýlıe ata hám uly jyraý

Rýhanııat • Búgin, 23:01

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar