Teatr synshylary úzdikterdi anyqtady

Rýhanııat • 15 Qańtar, 2021

Teatr synshylary úzdikterdi anyqtady

128 ret kórsetildi

«Halyqaralyq teatr synshylary birlestigi» ótken jyly atqarylǵan jumystyń nátıjesin anyqtaý maqsatynda elimizdegi teatrlar arasynda júrgizilgen arnaıy saýalnama nátıjesimen bólisti, dep habarlaıdy Egemen.kz.

Marzhan Tileubekova

Elimizde ulttyq, akademııalyq, memlekettik, oblystyq, qalalyq mártebesin ıelengen 40 óner ordasy arasyndaǵy saýalnama bıyl ekinshi ret uıymdastyryldy.

Sala mamandary ótken jyly koronavırýs pandemııasyna baılanysty teatrlar tolyq jumys isteı almaǵanyna qaramastan, qyrýar jumys atqarylǵanyn atap ótti. Jarty jyldan astam jabyq turǵan ujymdardyń onlaı jumysy da, saıt paraqshalary da synshylardyń nazarynda boldy. Qyryq teatr jyl kóleminde 144 jańa spektakldiń tusaýyn kesip, halyqaralyq deńgeıde 2 onlaın festıval ótkizgen. Sonymen qatar teatrtanýshylar óz tańdaýyn jasap, «Synshylar júldesimen» birneshe nomınasııa boıynsha úzdikterdi anyqtady.

2020 jyldyń qorytyndysy boıynsha «Synshylar júldesimen» kelesi teatrlar marapattaldy:
1) «BAQ pen úzdik jumys istegen teatr» nomınasııasy boıynsha:
- Almaty qalalyq Memlekettik qýyrshaq teatry;
- Abaı atyndaǵy Qazaq ulttyq akademııalyq opera jáne balet teatry;
- K.S.Stanıslavskıı atyndaǵy Qaraǵandy memlekettik Halyqtar dostyǵy ordendi orys drama teatry.
2) «Úzdik saıt» nomınasııasy boıynsha:
- Q.Qýanyshbaev atyndaǵy Memlekettik akademııalyq qazaq mýzykalyq drama teatry;
- «Astana Opera» teatry;
- M.Gorkıı atyndaǵy Memlekettik akademııalyq orys drama teatry;
- N.Sas atyndaǵy Memlekettik akademııalyq balalar men jasóspirimder teatry;
- Memlekettik respýblıkalyq akademııalyq koreı mýzykalyq komedııa teatry;
- Qaraǵandy akademııalyq mýzykalyq komedııa teatry;
3) «Onlaın formattaǵy eń belsendi teatr» nomınasııasy boıynsha:
- Abaı atyndaǵy Qazaq ulttyq akademııalyq opera jáne balet teatry;
- Almaty qalalyq Memlekettik qýyrshaq teatry;
- M.Gorkıı atyndaǵy Memlekettik akademııalyq orys drama teatry;
- Respýblıkalyq nemis drama teatry;
- Temirtaý balalar men jasóspirimder teatry;
4) «Jyldyń jańa esimi» nomınasııasy boıynsha rejısser Gaýhar Adaı;
5) «Úzdik mereıtoılyq qoıylym» (Abaıdyń 175-jyldyǵyna arnalǵan) nomınasııasy boıynsha M.Áýezov atyndaǵy Qazaq ulttyq akademııalyq drama teatrynyń «Qara» (rejısseri J.Jumanbaı) spektakli;
6) «Úzdik ssenografııa» nomınasııasy boıynsha M.Áýezov atyndaǵy Qazaq ulttyq akademııalyq drama teatrynyń «Abaıdyń jumbaǵy» qoıylymynyń sýretshisi Murat Saparov;
7) «Úzdik aktrısa» nomınasııasy boıynsha Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń «Shaǵala» qoıylymyndaǵy Arkadına rolin somdaǵan Janar Maqasheva;
8) «Úzdik akter» nomınasııasy boıynsha Batys Qazaqstan oblystyq H.Bókeeva atyndaǵy drama teatrynyń «Men» qoıylymyndaǵy Men rolin somdaǵan Erbol Esendosov;
9) «Úzdik balalarǵa arnalǵan qoıylym» nomınasııasy boıynsha Almaty qalasy Memlekettik qýyrshaq teatrynyń «Úıshik» cpektakli (avtor E.Lokshına, rejısseri A.Zaısev);
10) «Úzdik rejısser» nomınasııasy boıynsha Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń «Qulager» qoıylymy úshin Farhad Moldaǵalıev;
11) «Úzdik qoıylym» nomınasııasy boıynsha Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń «Shaǵala» spektakli (avtor A.P.Chehov, rejısser E.Nursultan).