Aımaqtar • 15 Qańtar, 2021

Almaty oblysynyń 2021-2025 jyldarǵa arnalǵan damý baǵdarlamasy bekitildi

22 ret kórsetildi

Búgin Almaty oblysynyń ákimi Amandyq Batalovtyń qatysýymen oblystyq máslıhattyń VII shaqyrylymynyń birinshi sessııasy ótip, onda óńirdiń 2021-2025 jyldarǵa arnalǵan damý baǵdarlamasy bekitildi, dep habarlaıdy Egemen.kz

Atalǵan baǵdarlamany júzege asyrýǵa 3,5 trln. teńge qarastyrylyp otyr. Eń bastysy, bul qujat ákimderdiń esep berý jıyndarynda, jeke qabyldaýlarda, «Nur Otan» partııasy oblystyq fılıalynyń qoǵamdyq qabyldaýynda aıtylǵan, ákimniń jeke blogyna kelip túsken ótinish-tilekterdi eskere otyryp daıyndalǵan.

Sessııany ashqan oblystyq saılaý komıssııasynyń tóraǵasy Tımýr Dáýitov máslıhat depýtattyǵyna saılanǵan depýtattardy quttyqtap, bıylǵy jyldyń 10 qańtarynda ótken Parlamenti Májilisiniń jáne jergilikti ókildi organdary depýtattary saılaýynyń qorytyndysymen tanystyrdy.

Osy jıynda sessııanyń tóraǵasy bolyp Áset Qydyrmanov saılanyp, oblystyq máslıhattyń hatshylyǵyna usynylǵan Janbolat Jórgenbaevtyń kandıdatýrasyn depýtattar biraýyzdan qoldady.  Sol sııaqty oblystyq máslıhattyń turaqty komıssııalarynyń tizimi men san quramy belgilenip, turaqty komıssııalardyń tóraǵalary men músheleri saılandy. «Nur Otan» saıası partııasynyń depýtattyq fraksııasy tirkelsin degen sheshim qabyldandy.

Al Almaty oblysynyń 2021-2025 jyldarǵa arnalǵan damý baǵdarlamasynyń jobasyn depýtattarǵa oblys ákiminiń orynbasary Jeńis Tuıaqov tanystyrdy. Bul óńir ekonomıkasynyń aldaǵy 5 jyldaǵy sapaly jáne turaqty ósimin qamtamasyz etýge baǵyttalǵan qujat bolmaq.

J.Tuıaqov óz sózinde 2016-2020 jyldarǵa arnalǵan aldyńǵy baǵdarlamanyń oryndalýyna qysqasha toqtalyp, ótken jyly memleket qoldaýymen ekonomıkalyq jaǵynan jaqsy kórsetkishterge qol jetkizgenimizdi atap ótti. Bıylǵy jyly da sol ósim qarqynyn saqtaýǵa baǵyttalǵan sharalar qabyldanbaq.

Halyqpen keri baılanys ornatý barysynda aıtylǵan ótinishterdegi máselelerdi qamtı otyryp ázirlengen Baǵdarlama «Nur Otan» partııasynyń Saılaýaldy baǵdarlamasymen úndes.  Onda negizgi úsh baǵyt aıqyndalǵan: «О́ńir ekonomıkasyn kóterý», «О́mir súrýge jaıly jáne qaýipsiz óńir», «О́mir súrýdiń jańa sapasyn qamtamasyz etý». Barlyǵy 16 maqsat, 25 maqsatty ındıkator belgilengen. Onyń ishinde turǵyn úı, densaýlyq saqtaý, bilim berý, sport jáne basqa da mańyzdy nysandar salý, aýyz sý, gaz, jylý júıeleriniń, joldardyń qurylysy, jumyspen qamtý jáne basqa da áleýmettik-ekonomıkalyq damýǵa yqpal etetin sharalar tolyqtaı qamtylǵan. 

Jalpy Almaty oblysynyń 2021-2025 jyldarǵa arnalǵan damý baǵdarlamasyn júzege asyrýǵa 3,5 trln teńge qarastyrylǵan, onyń 2 trln 300 mlrd teńgesi – bıýdjettik, 1 trln 200 mlrd teńgesi – jeke qarajat.

Qujatty oblys depýtattary biraýyzdan qoldady.

Sessııada sóz alǵan oblys ákimi Amandyq Batalov:

– Qurmetti depýtattar! Barshańyzdy jetinshi shaqyrylǵan Almaty oblystyq máslıhatynyń birinshi sessııasynyń ashylýymen quttyqtaımyn! Búgin Qazaqstan Respýblıkasynyń Prezıdenti Qasym-Jomart Kemeluly Toqaev Parlament palatalarynyń keńeıtilgen otyrysyna qatysyp, jańadan saılanǵan Májilis depýtattaryn quttyqtady. О́z sózinde Memleket basshysy saıası reformalardyń negizgi baǵyttaryn atap ótti. Basty nazar – tıimdi áleýmettik saıasatty júrgizýge, onyń ishinde densaýlyq saqtaý salasyn jańǵyrtý, aýrýdyń aldyn alý maqsatynda buqaralyq sportty damytý, zeınetaqy júıesine ári qaraı engiziletin ózgeristerdi pysyqtaý qajettiligin kórsetti, – dedi A. Batalov.

О́tken saılaý barysy, ondaǵy halyqtyń belsendiligi, saılaýdyń demokratııany damytýǵa qosatyn úlesi týraly aıta kele, búgingi máslıhat depýtattarynyń jańa quramynda «Nur Otan» parııasynan – 37, al «Aýyl» jáne «QHP» partııalarynyń árqaısysynan 4 depýtattan kirgenin atap ótti. О́nerkásip, aýyl sharýashylyǵy, bilim berý, shaǵyn jáne orta bıznes sııaqty mańyzdy salalardyń ókilderi de jańa quramǵa engizilgen.

Áıelderge beriletin orynnyń 30%-dyq kvotasy talaby da saqtalǵan. Jańa quramda jastardyń ókilderi de bar, olar 16,6% qurap otyr. 

– О́tken jyly der kezinde qabyldanǵan daǵdarysqa qarsy sharalardyń arqasynda oblys ekonomıkasynyń negizgi salalarynda oń serpin saqtaldy. Jańa qabyldanǵan Almaty oblysynyń 2021-2025 jyldarǵa arnalǵan damý baǵdarlamasynda osy kórsetkishterimizdi odan ári eselep, óńirdi ári qaraı  órkendetýdiń naqty qadamdary belgilenip otyr. Elbasy men Prezıdent aldyǵa qoıǵan, halyqtyń ál-aýqatyn jaqsartýǵa baǵyttalǵan aýqymdy mindetterdi atqarýǵa jańa quramdaǵy málıhat belsene atsalysady degen senimdemin, – dedi A.Batalov.  

Budan soń altynshy shaqyrylymda belsendi depýtattyq qyzmet atqarǵany úshin birqatar azamatqa Qurmet gramotasyn tapsyryp, marapattady.

Sol sııaqty aldyńǵy shaqyrylym quramynda bolǵan Jamal Qulahmetova men osy 7-shi shaqyrylym depýtattarynyń atynan Jalǵashan Donbaev sóz alyp, áriptesterine ıgi tilekterin bildirdi.

Atap ótsek, osyǵan deıingi altynshy shaqyrylym depýtattary 2016-2021 jyldar aralyǵynda bıýdjet, ákimshilik-aýmaqtyq qurylym, tabıǵı resýrstardy paıdalaný, turǵyn-úı kommýnaldyq sharýashylyq máseleleri boıynsha 341 sheshim qabyldaǵan. 2016-2020 jyldarǵa arnalǵan oblys bıýdjetine 21 ózgeris pen tolyqtyrý engizgen.

Almaty oblysyn damytýdyń 2016-2020 jyldarǵa arnalǵan baǵdarlamasyna 6 ret qajetti ózgerister men tolyqtyrýlar jasaǵan. Jergilikti atqarýshy organdarǵa oblys turǵyndarynyń problemalaryna qatysty 86 depýtattyq suraý jiberip, olarǵa qatysty oń sheshim qabyldanýyna yqpal etken.

Sońǵy jańalyqtar

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar