Qazaqstan Ulttyq Bankiniń bastamasymen salymshylardyń múddesi úshin BJZQ komıssııasyn tómendetý maqsatynda Memleket basshysynyń 2021 jylǵy 2 qańtardaǵy «Qazaqstan Respýblıkasynyń keıbir zańnamalyq aktilerine ekonomıkalyq ósýdi qalpyna keltirý máseleleri boıynsha ózgerister men tolyqtyrýlar engizý týraly» qol qoıǵan Qazaqstan Respýblıkasynyń Zańy aıasynda tıisti túzetýler engizildi.
Bul ózgerister salymshylar óz zeınetaqy jınaqtarynyń bir bóligin basqarýǵa aýdara alatyn BJZQ, Qazaqstan Ulttyq Banki jáne ınvestısııalyq portfeldi basqarýshylar arasyndaǵy komıssııalyq syıaqyny bólýdi, sondaı-aq onyń shekti mólsherlerdń deńgeıiniń tómendeýin kózdeıdi.
Qabyldanǵan túzetýlerge sáıkes, BJZQ úshin tek zeınetaqy aktıvterinen komıssııa qurylady. Sonymen birge kórsetilgen komıssııalyq syıaqynyń shekti mólsheri 60%-ǵa – zeınetaqy aktıvterinen aıyna 0,025%-dan 0,01%-ǵa deıin tómendetildi.
Qazaqstan Ulttyq Banki men ınvestısııalyq portfeldi basqarýshylar úshin shekti mánderdi belgileı otyryp, ınvestısııalyq kirister boıynsha komıssııa qarastyrylǵan. Investısııalyq kiris boıynsha naqty alynǵan komıssııa mólsheri qaıta qaralyp, jyl saıyn belgilenip otyrady.
Sonymen birge, Qazaqstan Ulttyq Bankiniń usynysymen onyń komıssııalyq syıaqynyń shekti mólsheri ınvestısııalyq kiristiń 73% – 7,5%-dan 2,0% deıin tómendetildi.
Eger buryn BJZQ ınvestısııalyq kiristen komıssııa alǵan bolsa, onda jańa talaptarǵa sáıkes syıaqy tikeleı ınvestısııalyq portfeldi basqarýshyǵa túsedi. Bul salymshyǵa ınvestısııalyq portfeldi basqarýshynyń komıssııalyq syıaqysy baqylaýǵa múmkindik berip, ózine tıimdi sharttardy tańdaýǵa jaǵdaı jasaıdy.
