Elorda • 18 Qańtar, 2021

Nur-Sultanda qalalyq parkter 2021 jyly qalaı túrlenedi?

13 ret kórsetildi

Nur-Sultanda qalalyq parkter jasyl arterııaǵa jáne velosıpedshiler men jaıaý júrginshiler joly biriktiriledi. Sý betindegi qalqymaly jaǵalaý, skeıt-park, kóshe kınoteatry, jańa qalalyq jaǵajaı, sport pavılondary jáne taǵy basqalary salynady, dep habarlaıdy Egemen.kz

Parkter múmkindigi shekteýli jandardyń múddelerin eskere otyryp salynatyn bolady. Jobada Esil ózeniniń boıynda uzyndyǵy 16 kılometrge jýyq jaıaý júrginshiler aımaǵy men velojol salý kózdelgen, parkterdiń jalpy aýdany – 360 gektar. Elordany odan ári damytý «Nur-Sultan – jaıly qala» master-josparyna engizilgen.

Elorda ákimi Altaı Kólginovpen kezdesý barysynda sport federasııalarynyń basshylary saıabaqtarda sportshylar men basqa da sportpen shuǵyldanatyn adamdar kıim aýystyryp, sport jabdyqtary men zattaryn salatyn oryndardyń bolmaýy týraly máseleni kóterdi. Osylaısha, saıabaqtarda sport pavılondaryn ashý josparlanýda. Aldymen Trıatlon-parkke salynbaq. Onda sheshinetin bólmeler, dýsh jáne jattyqtyrýshylar mektebi bolady.

Nur-Sultan ákimdigi 2020 jyly pandemııaǵa qaramastan qalany abattandyrý boıynsha aýqymdy jumystar atqardy. Jalpy alǵanda 760 myń sharshy metrden astam aýla abattandyryldy. Bul 150-den astam aýla men 60 qoǵamdyq keńistik (saıabaqtar, skverler, býlvarlar). Qalanyń eski bóligine basa nazar aýdaryldy. Qala turǵyndary úshin Prezıdenttiń tapsyrmasy boıynsha sportpen shuǵyldaný úshin jaǵdaılar jasalýda. Memleket basshysy buqaralyq sportty damytýdyń mańyzdylyǵyn aıryqsha atap ótken edi.

Elordanyń jas turǵyndarynyń ótinishi boıynsha alǵash ret L.N. Gýmılev atyndaǵy EUÝ janynda kópirdiń astynda ornalasqan skeıt-alań ashyldy. Sondaı-aq, strıtbol alańy, ústel tennısi alańy jáne workout aımaǵy bar. Bıyl oqýshylar Saraıynyń janynda taǵy bir skeıt-park ashylady.

Prezıdenttik saıabaqta qalqymaly taqtaı jaǵalaýy ornatylady. Bul elorda turǵyndary men qonaqtary úshin tartymdy oryndarynyń biri bolady.

Aqbulaq ózeniniń jaǵalaýy abattandyrylady, onda jańa qalalyq jaǵajaı salynady.

«Biz qala turǵyndarynyń qajettilikterin eskeremiz. Turǵyndar jaıaý serýendeýdi, jalpy sportty jaqsy kórdi. Mysaly, ótken jazda alǵash ret ashylǵan jańa sahna art-keńistigin alaıyq. Qazir olar qala turǵyndarynyń súıikti oryndarynyń birine aınaldy. Salaýatty ómir salty ıdeıasyn nasıhattaý óte mańyzdy. Birikken parkter ınklıýzıvti bolady, ıaǵnı halyqtyń barlyq toptarynyń qajettilikteri nazarǵa alynady», - dep atap ótti Ýrbanıstıka ortalyǵynyń basshysy Elnar Bazyken.

Saıabaq aýmaǵy qala sekildi aýqymdy kógaldandyrylatyn bolady. Elbasy suhbattarynyń birinde atap ótkendeı, qalanyń bas jospary ǵımarattardyń, jasyl jelekter men ormannyń sımbıozy retinde jasalǵan. Osy taqyrypty ary qaraı da jalǵastyrý qajet. «Úıler men ǵımarattardyń aınalasynda aǵash otyrǵyzý qajet, bul oryndar taqyr jer emes, jasyl bolýy kerek. Bul qazaqstandyq qatal klımat jaǵdaıynda óte mańyzdy».

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar