Nur-Sultanda ótken jyldyń ekinshi jartyjyldyǵynda monıtorıng toptary karantındik sharalardy saqtaý boıynsha 5000-nan astam reıd júrgizdi. Mysaly, 2020 jyldyń 9 qazanynan bastap osy jyldyń 17 qańtaryna deıin aralaý barysynda 1309 buzýshylyq anyqtaldy. Onyń ishinde: Almaty aýdany boıynsha – 347, Baıqońyr aýdany boıynsha – 273, Esil aýdany boıynsha – 398, Saryarqa aýdany boıynsha 291.
Aıta ketý kerek, karantın rejımin qasaqana buzýshylarǵa qatysty materıaldar sotqa jiberiledi. Osylaısha, elordalyq ákimshilik sottyń sheshimimen birqatar mekemeniń qyzmeti toqtatyldy.
Buǵan deıin atalǵan ShOB sýbektilerine karantındik talaptardy saqtaý jóninde eskertý jasalǵan bolatyn. Eger jumysyn toqtatý týraly sot sheshimi oryndalmaǵan jaǵdaıda mekeme basshylary ákimshilik qamaýǵa alynady. Qazirgi ýaqytta karantındik sharalardy buzǵany úshin qoǵamdyq mekemelerge qatysty taǵy 12 materıal sot qaraýynda jatyr.
Osy ýaqytqa deıin Nur-Sultan qalasynyń sanıtarlyq-epıdemııalyq baqylaý departamentine karantındi buzýǵa jol bergen tulǵalarǵa qatysty 2 484 materıal kelip tústi, olar boıynsha 1224 jeke, laýazymdy jáne zańdy tulǵalar jalpy somasy 239 633 450 teńgege ákimshilik jaýapkershilikke tartyldy.
Búginde 190 988 725 teńgege 1016 ákimshilik aıyppul óteldi.
