Úkimet basshysy burynǵy ulttyq ekonomıka mınıstri Rýslan Dálenovke, sondaı-aq burynǵy eńbek jáne halyqty áleýmettik qorǵaý mınıstri Birjan Nurymbetovke atqarǵan jumysy úshin alǵys aıtty.
Jańa ulttyq ekonomıka mınıstrin tanystyra otyryp, Asqar Mamın Áset Erǵalıevtiń joǵary kásibıligi men quzyrettiligin atap ótti. Túrli jyldary ol Eýropa qaıta qurý jáne damý bankinde aımaqtyq bas sarapshy, QR Premer-Mınıstriniń keńesshisi, ulttyq ekonomıka vıse-mınıstri, Premer-Mınıstr Keńsesi basshysynyń orynbasary bolyp jumys istedi. Osy ýaqytqa deıin ulttyq ekonomıka birinshi vıse-mınıstri qyzmetin atqardy.
Jańa eńbek jáne halyqty áleýmettik qorǵaý mınıstrin tanystyra otyryp, Asqar Mamın Serik Shápkenovtiń Batys Qazaqstan jáne Atyraý oblystary ákimderiniń birinshi orynbasary retindegi úlken tájirıbesin atap ótti. Osy ýaqytqa deıin S. Shápkenov eńbek jáne halyqty áleýmettik qorǵaý vıse-mınıstri qyzmetin atqardy.
«Memleket basshysy Qasym-Jomart Kemeluly Toqaev elimizdiń áleýmettik-ekonomıkalyq damýynyń jańa saıasatyn iske asyrý boıynsha aldymyzǵa mańyzdy mindetter qoıdy. Olar ekonomıkalyq damý sapasyn arttyrýǵa, ekonomıkanyń ózindik jetkiliktiligine, salyq saıasatyn jetildirýge, ınvestısııalar tartýǵa jáne eksportty damytýǵa baǵyttalǵan qurylymdyq reformalardy júrgizýdi qamtıdy», — dedi A. Mamın.
Sondaı-aq Premer-Mınıstr áleýmettik salany jańǵyrtý boıynsha mańyzdy mindetter iske asyrylatynyn atap ótti.
