«Búgin jańartylǵan Úkimettiń alǵashqy otyrysy. Parlament árbir Úkimet múshesin maquldady. Memleket basshysy Qasym-Jomart Toqaev tıisti Jarlyqtarǵa qol qoıdy. Bul – Elbasy Nursultan Nazarbaevtyń, Memleket basshysy jáne Parlamenttiń joǵary senim bildirýi. Biz ony úlken jaýapkershilikpen aqtap, «Nur Otan» partııasynyń «О́zgerister joly. Ár azamatqa laıyqty ómir» atty saılaýaldy baǵdarlamasyn jáne bizdiń aldymyzǵa qoıǵan barlyq mindetterdi sapaly oryndaýymyz kerek», dedi Úkimet otyrysyn ashqan Asqar Mamın.
Premer-Mınıstr ekonomıkany qarqyndy damytý arqyly halyqtyń ómir súrý sapasyn, ál-aýqatyn jaqsartýǵa jáne tabysyn arttyrýǵa, sonymen qatar jańa jumys oryndaryn qurýǵa jaǵdaı jasalatyndyǵyn basa aıtty.
«Sonymen birge áleýmettik-ekonomıkalyq damýdyń negizgi baǵyttaryna basa nazar aýdarý kerek. Ekonomıkanyń básekege qabilettiligin arttyrýǵa, ınvestısııalar tartýǵa, jańa tehnologııalar jáne eksportty damytýǵa baǵyttalǵan naqty sharalardy júzege asyrý qajet. Osyǵan oraı elimizdiń odan ary áleýmettik-ekonomıkalyq damý jolynda barlyq kúsh-jigerimizdi salyp, naqty nátıjeli, sapaly ári tıimdi jumys atqarýymyz kerek», dedi Úkimet basshysy.
