Búginde QR-da ınfeksııalyq tósek-oryndardyń júktelýi – 32%, reanımasııalyq tósek-oryndardyń júktelýi – 23%.
Otandyq QazCovid-in vaksınasy klınıkalyq synaqtardyń III satysynan ótkizilip jatyr (aldyn ala tıimdiligi – 96%). «Spýtnık V» vaksınasynyń sapasy attestasııalanýda. GMP standarty boıynsha vaksınalar shyǵaratyn bıofarmzaýyt qurylysy júrgizilip jatyr.
Eske sala keteıik, Úkimet basshysy 1 aqpannan bastap medısına uıymdarynyń halyqty jappaı vaksınasııalaýdy bastaýǵa daıyn bolýyn qamtamasyz etýdi tapsyrdy.
A.Mamın bir apta merzimde ınfeksııalyq aýrýhanalar men bastapqy medısınalyq-sanıtarlyq kómek uıymdaryndaǵy jeke qorǵanysh quraldary men kovıdke qarsy dárilerdiń qoryna revızııa júrgizýdi tapsyrdy.
