Qoǵam • 19 Qańtar, 2021

О́tken jyly Almatydaǵy taýda 80-nen astam adam qutqaryldy

5 ret kórsetildi

2020 jyly Almatydaǵy taýda 80-nen astam adam qutqaryldy, dep habarlaıdy Egemen.kz TJM Respýblıkalyq jedel-qutqarý jasaǵynyń baspasóz qyzmetine silteme jasap.

Almaty taýlary ásemdigimen, shatqaldarymen adamdardy ózine baýraıdy. Alaıda, adamdar taýda ártúrli tótenshe jaǵdaıǵa ushyrap, jaraqat alyp tipti abaısyzda kóz jumyp jatatyn jaǵdaılar da kezdesedi.

«Kóbinese, taýǵa shyǵýǵa daıarlanbaǵan adamdar qıyndyqqa tap bolady. Internetten kórgen kózdiń jaýyn alatyn kadrlarǵa qarap, taýda ne kútip turǵanyn baǵamdamaıdy. Barǵaly turǵan baǵyty týraly qajetti aqparatty bilmesten, arnaıy jabdyqsyz, qıyn joldy tańdaı otyryp, tústen keıin taýǵa shyǵyp, ómirine qaýip tóndiredi. Túngi ýaqytta taýda joldy tappaı qalýy múmkin», deıdi vedomstvo ókili.

2020 jyly Respýblıkalyq jedel-qutqarý jasaǵynyń qutqarýshylary taýda 80-nen astam adamdy, onyń ishinde bes balany qutqardy.

«Olarǵa alǵashqy medısınalyq jáne psıhologııalyq kómek kórsetildi. Sonymen qatar izdestirý kezinde kınologııa toptary kóp kómek kórsetti. Izdestirý-qutqarý jumysy kóbine túngi ýaqytta júrgiziledi. Ártúrli aýa-raıy (jańbyr, qar, tuman), kúrdeli relefti jer bederi, teńiz deńgeıinen 4 000 metrge deıingi bıikte júrgiziletin izdestirý ońaǵa soqpaıdy», delingen habarlamada. Baspasóz qyzmeti osyndaı oqıǵanyń birine toqtaldy.

Oqıǵa jazda bolǵan. Tórt qaraǵandylyq tústen keıin, aýa raıynyń qolaısyzdyǵyna qaramastan Úlken Almaty kóline serýendeýge attanady. Alaıda, ymyrt túsip, jańbyr jaýyp, kóriný nasharlap, aýa temperatýrasy kúrt tómendep, týrıster baratyn jerine jete almaǵan. Qyzdardyń biri qulap, tizesin jaraqattap aldy, ol ózdiginen taý etegine túse almaǵan. Qalǵandarǵa úreıge boı aldyrdy. Týrıster RJQJ qutqarýshylarynan kómek surady. Mundaı jaǵdaı qutqarýshy jumysynda jıi kezdesedi.

«Qysta adamdar taý soqpaqtarynda syrǵanap, ózi nemese ózge bireýdi qaǵyp ketip, jaraqat alyp jatady. Taýda qajetti jabdyqsyz, arnaıy aıaq kıimsiz adamnyń úsik alý qaýpi bar. Mysaly taýda joǵalyp ketken Túrkııa azamatynyń eki aıaǵyn II dárejeli úsik shalyp, sol jaq aıaǵy synǵan. Sol kezde sheteldik azamatty Almaty qalalyq IID qyzmetkerleri izdestirip jatqan bolatyn. Alaıda, taý bederiniń erekshelikterin jáne arnaıy daıyndyq qajettiligin eskere otyryp, taýdaǵy izdestirý-qutqarý jumystaryn júrgizýge RJQJ qutqarýshylaryna júgindi. Sheteldikti Úlken Almaty shatqalynyń shyǵys jaǵynan tapty, alǵashqy medısınalyq kómek kórsetip, arnaıy zembilmen jolǵa deıin jaıaý jetkizip, Apattar medısınasy ortalyǵynyń qyzmetkerlerine tapsyrdy», delingen habarlamada.

Taýǵa barǵan kezde adamdar taý aýrýyna tap bolýy múmkin, ol jalpy álsizdik, júrek soǵysy, bas aınalý, esten taný jáne tynys alýdyń qıyndaýynan baıqalýy múmkin. Mundaı oqıǵa 2020 jyly qysta oryn aldy, «Týrıst» shyńynyń baýraıynan shańǵymen syrǵanap júrgen Nıderland azamatynyń jaǵdaıy nasharlap ketken.

Dostary júrek aýrýy dep kúdiktenip, Respýblıkalyq jedel-qutqarý jasaǵynan kómek suraıdy. Qutqarýshylar alǵashqy medısınalyq kómek kórsetip, shetel azamatyn taý etegine jetkizip, jedel medısınalyq járdem qyzmetkerlerine tapsyrdy. Taýda sozylmaly aýrýlar da órshýi múmkin. Osyǵan uqsas oqıǵa jazda Karlytaý shyńynyń mańynda boldy.

Taýǵa shyqqan kezde er adamnyń talmasy ustap qalǵan. Qutqarýshylar alǵashqy medısınalyq kómek kórsetip, er adamdy qaýipsiz jerge jetkizdi.

«Qutqarýshylardyń taýdaǵy árbir izdestirý-qutqarý jumystary bir-birine uqsamaıdy, túrli jaǵdaı oryn alyp turady. RJQJ qutqarýshylarynyń aıtýynsha, qala men taýly aımaqtardyń aýa raıy bir-birine uqsamaıdy, ári kúnine birneshe ret aýa temperatýrasy ózgeredi. Bıiktegen saıyn aýa temperatýrasy tómendep, tuman men jaýyn-shashynnyń yqtımaldyǵy da artady. Taýǵa jalǵyz shyǵýǵa bolmaıdy, tótenshe jaǵdaı bolsa, janyńyzda kómek kórsetetin nemese qutqarýshyny shaqyratyn adam kerek. Ásirese qysta qar kóshkini qaýpi de arta túsedi. Eger siz serýendeýge baratyn bolsańyz, ózińizben birge sirińke, qosymsha jyly kıim, jańbyrdan qorǵaıtyn jamylǵy alyp, arnaıy maýsymǵa sáıkes keletin aıaq kıimmen shyǵý kerek. Sondaı-aq, qosymsha baılanys quralyn, termos jáne tamaq alýdy umytpańyz. Tańdaǵan baǵytyńyz jaıly jaqyndaryńyzdy habardar etińiz, tótenshe jaǵdaı bolsa, bul izdestirý-qutqarý jumysyn tezdetedi. Taýǵa shyǵar aldynda jaqyndaryńyzǵa óz baǵytyńyz týraly mindetti túrde eskertińiz, bul da izdeýshi jumysyn jedeldetedi. Esińizde bolsyn, basty maqsat – taýdyń basyna shyǵý nemese shyńdy baǵyndyrý emes, úıge aman-esen jáne saý oralý», deıdi vedomstvo ókili.

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar