Prezıdent • 19 Qańtar, 2021

Qazaqstan Prezıdenti Memlekettik qyzmet isteri agenttiginiń tóraǵasyn qabyldady

32 ret kórsetildi

Kezdesýde Memleket basshysyna Agenttiktiń 2020 jyly atqarǵan jumystarynyń negizgi qorytyndylary týraly egjeı-tegjeıli esep berildi, dep habarlaıdy Egemen.kz Aqordaǵa silteme jasap.

Anar Jaıylǵanova vedomstvonyń memlekettik qyzmetke ornalasý rásimderin jetildirýge, saıası qyzmetti kásibılendirýge, qyzmetkerlerdi yntalandyrýǵa jáne damytýǵa, Prezıdenttik jastar kadrlyq rezervi boıynsha júrgiziletin jumystarǵa, sondaı-aq, memlekettik qyzmettiń uıymdastyrý mádenıetin ózgertýge qatysty atqarǵan jumystarynyń nátıjeleri jóninde aıtty.

Sonymen qatar Qasym-Jomart Toqaevqa memlekettik qyzmetti sıfrlandyrý, onyń ishinde, «E-qyzmet» júıesiniń ıntegrasııa aıasyn keńeıtý jáne «i-Qyzmet» júıesin ázirleý barysy týraly baıandaldy.

Qazaqstan Prezıdentine vedomstvo jumysyn qaıta uıymdastyrý jaıynda málimet berildi. Anar Jaıylǵanovanyń aıtýynsha, byltyr Agenttiktiń shtaty 10 paıyzǵa qysqarǵan, al bıylǵy aqpan aıynyń sońyna deıin taǵy da 15 paıyzǵa ońtaılandyrylmaq.

Qasym-Jomart Toqaev memlekettik qyzmetti jetildire túsý qajettigi týraly atap ótip, Agenttik tóraǵasyna ortalyq jáne jergilikti deńgeıdegi memlekettik qyzmetshilerdi qysqartý úderisiniń ashyqtyǵy men tıimdiligin baqylaýdy qamtamasyz etýdi tapsyrdy. Sonymen qatar Prezıdent Memlekettik basqarý tujyrymdamasyn ázirleý jáne júzege asyrý aıasynda vedomstvonyń jumysyn jandandyrýǵa nusqaý berdi. 

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Uqsas jańalyqtar