Qazaqstan • 19 Qańtar, 2021

Qazaqstanda bank, lombard jáne basqa da qarjy uıymdarynyń jumys rejımi ózgerdi

624 ret kórsetildi

Ulttyq bank pen Qarjy naryǵyn retteý jáne damytý agenttigi búgin qarjy naryǵy sýbektileriniń jumys rejımin ózgertý týraly birlesken buıryq shyǵardy. Osylaısha «qyzyl», «sary» jáne «jasyl» aımaqtarda qarjy uıymdaryna keletin adam sanyna shekteý qoıyldy, dep habarlaıdy Egemen.kz

Bul ekinshi deńgeıli bankterge, rezıdent emes bankterdiń fılıaldaryna, aıyrbastaý pýnktterine, ıpotekalyq uıymdarǵa, saqtandyrý uıymdaryna, saqtandyrý brokerlerine, nesıelik seriktestikter men lombardtarǵa, tólem uıymdary men kollektorlyq agenttikterge qatysty.

Buıryq Qazaqstan Respýblıkasy azamattarynyń ómiri men densaýlyǵyn qorǵaý, sondaı-aq koronavırýs ınfeksııanyń taralýyna jol bermeý maqsatynda qabyldandy. Buıryqqa sáıkes, qyzmetter barynsha onlaın rejımde kórsetilýi kerek. «Qyzyl» aımaqqa» jatatyn óńirlerde kúsheıtilgen sanıtarııalyq-dezınfeksııalyq rejım sharalary qatań saqtalýy tıis.

Sondaı-aq qyzmetkerderdiń 60% qashyqtan jumys isteýge aýysady. «Sary» jáne «jasyl» aımaqtarda – halyqqa qyzmet kórsetken kezde kúsheıtilgen sanıtarııalyq-dezınfeksııalyq rejım sharalaryn qatań saqtaǵan jaǵdaıda, óndiristik qajettilik kezinde qashyqtan jumys isteý nysanyna fılıaldyń shtat sanynyń keminde 30% aýysady.

«Ekinshi deńgeıdegi bankter klıentter operasııalaryn óńdeýdi júzege asyratyn qyzmetterdiń jumysyn uıymdastyrýdy jáne bankomattardyń, termınaldardyń, ınternet-bankıngtiń, mobıldik bankıngtiń jáne basqa da klıentterdiń banktik shottaryn qashyqtan basqarý júıeleriniń, ınkassatorlyq qyzmettiń, call-qyzmettiń, tólem kartalaryn jetkizý qyzmetiniń, sondaı-aq olardyń uıǵarýy boıynsha basqa qyzmetterdiń úzdiksiz jumys isteýin qamtamasyz etsin. Sonymen qatar, ekinshi deńgeıdegi bankter jáne aıryqsha qyzmeti banknottardy, monetalardy jáne qundylyqtardy ınkassasııalaý bolyp tabylatyn zańdy tulǵalar ekonomıka sýbektileri men halyqty qolma-qol aqshamen qamtamasyz etý boıynsha úzdiksiz qyzmetti, onyń ishinde bankomattardy qolma-qol aqshamen ýaqtyly tolyqtyrýdy jáne olardyń kidirissiz jumysyn júzege asyrýdy qamtamasyz etýi tıis» delingen buıryqta.

Ulttyq bank pen agenttiktiń birlesken buıryǵy 2021 jyldyń 19 qańtarynda kúshine endi jáne QR bas memlekettik sanıtar dárigeriniń qaýlysynda kórsetilgen shekteý sharalary alynǵanǵa deıin kúshinde bolady.

 

Sońǵy jańalyqtar

Ulytaý aýdanynyń ákimi taǵaıyndaldy

Taǵaıyndaý • Búgin, 20:45

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar