Qoǵam • 20 Qańtar, 2021

Sybaılas jemqorlyq jasaǵan 15 basshy jaýapqa tartyldy

572 ret kórsetildi

Aqmola oblysynda 2020 jyly sybaılas jemqorlyq úshin 76 adam qylmystyq jaýapkershilikke tartyldy, onyń 15-i – respýblıkalyq jáne jergilikti deńgeıdegi birinshi basshylar. Bul týraly Sybaılas jemqorlyqqa qarsy is-qımyl aýmaqtyq departamentiniń basshysy Murat Tóleýbaev «Antikor ortalyǵy» alańynda ótken brıfıngte aıtty, dep habarlaıdy Egemen.kz

«О́tken jyly oblystyń sybaılas jemqorlyqqa qarsy qyzmetiniń óndirisinde 100 – den astam qylmystyq is boldy, onyń 78-i aýyr qylmystar boıynsha. Negizinen, bul urlaý, paraqorlyq, sondaı-aq alaıaqtyq faktileri. 51 adamǵa qatysty 136 is sotqa jiberildi», dedi Murat Tóleýbaev.

О́tken jyly sottalǵandar arasynda basshylyq quramynyń tulǵalary – Aqmola oblysynyń Mádenıet, arhıvter jáne qujattama basqarmasynyń basshysy R.T.Bıkenev, Zerendi aýdanynyń ákimi B.N.Ábýtálipov, Indýstrııalyq damý jáne ónerkásiptik qaýipsizdik komıteti departamentiniń basshysy S.K.Moldaǵulov jáne oblystyq, aýdandyq deńgeıdegi basqa da basshylar bar. Sonymen qatar, Baraev atyndaǵy Astyq sharýashylyǵy ǵylymı-óndiristik respýblıkalyq ortalyǵynyń bas dırektory, Arshaly aýdany ákiminiń orynbasary, sondaı-aq oblystyń birneshe aýdan ákimdikteriniń bólim basshylary sotqa jiberildi.

Odan basqa, oblystyń Sybaılas jemqorlyqqa qarsy vedomstvosy júıeli sybaılas jemqorlyqtyń 7 faktisin anyqtady, onda 35 qylmys anyqtaldy jáne 21 adam tartyldy. Shaǵyn jáne orta bıznestiń qyzmetine aralasýdyń birqatar faktileriniń joly kesildi.

Memlekettik baǵdarlamalardy súıemeldeý aıasynda óńirdiń 26 qylmys tirkeldi. 2020 jylǵy jumys qorytyndysy boıynsha memleketke ótelgen zalal somasy 650 mıllıon teńgeden asty. Qylmystyq isterdi tergeý nátıjeleri boıynsha Departament sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılardy joıý týraly 88 usyný engizdi.

Usynýlardy qaraý qorytyndysy boıynsha 69 laýazymdy tulǵa tártiptik jaýapkershilikke tartyldy, olardyń ishinde 21 basshylyq quramynyń tulǵalary. 13 laýazymdy tulǵa jumystan bosatyldy, 10 adamǵa qyzmetke tolyq sáıkes emestigi týraly eskertildi.

«2019 jylmen salystyrǵanda óńirde sybaılas jemqorlyq quqyq buzýshylyqtar sanynyń tómendeý dınamıkasy baıqalady, bul sybaılas jemqorlyqqa qarsy júrgizilip jatqan aldyn alý sharalarynyń tıimdiligin kórsetedi. Jalpy, biz óńirde sybaılas jemqorlyqqa qarsy is-qımyldy kúsheıtý aıasynda júıeli jumysty jalǵastyramyz», dep túıindedi Murat Tóleýbaev.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar