Qoǵam • 21 Qańtar, 2021

«Antikor ortalygy» servıstik ortalyǵy – Agenttik qyzmetiniń ashyqtyǵy men aıqyndyǵynyń kórsetkishi

7 ret kórsetildi

Sybaılas jemqorlyqqa qarsy vedomstvo ózara is-qımyl men yntymaqtastyq úshin qolaıly alańdar jasaı otyryp, óz jumysyna azamattyq qatysýdy keńeıtedi. Onyń biri – elimizdiń barlyq óńirinde jumys isteıtin «Antikor ortalygy» servıstik ortalyqtary boldy. Bul týraly «Antikor ortalygy» alańynda ótken onlaın-brıfıngte Sybaılas jemqorlyqqa qarsy qyzmettiń Seriktestik departamenti dırektorynyń orynbasary Perızat Sádýaqas aıtty, dep habarlaıdy Egemen.kz.

Spıker ortalyqtar ashylǵan sátten bastap 3 000-nan astam túrli is-sharalar, kezdesýler, tusaýkeserler, brıfıngter jáne t.b. ótkizilgenin, olardyń aıasynda myńdaǵan qazaqstandyqtar óz problemalaryn aıtyp, mamandardyń jaýaptaryn alǵanyn aıtty.

Agenttik jumystyń zamanaýı tehnologııalyq formattaryn azamattardy qabyldaý sekildi dástúrli formatpen sátti úılestirgen. Olar kúrdeli jáne erekshe jaǵdaılardyń mánin tereńirek túsinýge, durys sheshim qabyldaýǵa múmkindik beredi. Aýmaqtyq departamentterdiń birinshi basshylary ótken jyly «Antikor ortalygy» - da 600-den astam azamatty qabyldady.

Osy maqsatta Agenttiktiń saıtynda «suraq-jaýap» arnaıy servısi jumys isteıdi, onda árbir suraý óńdelip, jaýap beriledi.

Keri baılanystyń taǵy bir pármendi tetigi – «Ashyq dıalog» elektrondyq úkimet portaly. Osy platformada Agenttik aı saıyn ınternet-konferensııa ótkizedi.

Sybaılas jemqorlyqqa qarsy kúreske jurtshylyq ókilderi men sarapshylardy tartý jónindegi mindetti tabysty sheshetin «Adaldyq alańy», «Protecting Business and Investments», «Adal komek», «Ashyq bıýdjet» sybaılas jemqorlyqqa qarsy is-qımyl jobalarynyń jáne arnaıy monıtorıng toptary men aqparattyq-aǵartý shtabtarynyń jumysyn atap ótken jón.

Aıgúl Soloveva, Aıman Ýmarova, Rahım Oshaqbaev, Záýresh Battalova jáne taǵy basqa qoǵam qaıratkerleriniń sybaılas jemqorlyqqa qarsy túrli jobalardy ilgeriletýde erekshe belsendi ekenin atap ótken jón.

Sondaı-aq P.Sádýaqas Agenttiktiń sybaılas jemqorlyqqa qarsy is-qımyl salasyndaǵy azamattyq bastamalardy talqylaýǵa jáne iske asyrýǵa árqashan daıyn ekenin atap ótti.

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar