Shyǵys Qazaqstan oblysy TJD baspasóz qyzmetiniń málimetine súıensek, 21 qańtarda túngi saǵat 01.00-de Parovoznaıa kóshesindegi órt týraly habar túsken. Birden oqıǵa ornyna órt sóndirýshiler attandy.
«Jer úıdiń dálizi, as bólme, jıhazdar, turmystyq tehnıka men jeke zattar órtengen. Jalyn 20 sharshy metr aýmaqty sharpyǵan. Qutqarýshylar úıden 1 gaz ballonyn syrtqa shyǵaryp úlgerdi», dep habarlady vedomstvo ókilderi.
Anyqtalǵandaı, órt sóndirýshiler kelip jetkenshe 70 jastaǵy úı ıesin kórshisine qonaqqa kelgen eki jigit Stanıslav Korıakovskıı men Sergeı Iаsýk qutqaryp qalǵan.
«О́rtti kórgen olar esh oılanbastan kómekke umtyldy. Jatyn bólmeniń terezesin balǵamen syndyryp, qart kisini syrtqa alyp shyqqan. Iis tıgen zeınetkerge jedel járdem dárigerleri alǵashqy kómek kórsetti. Qazir onyń ómirine eshqandaı qaýip tónip turǵan joq. Bul beıbit kúnniń batyrlary Stanıslav pen Sergeıdiń arqasy», delingen TJD taratqan aqparatta.
