Qoǵam • 22 Qańtar, 2021

Ádilet organdarynda jemqorlyq 67 paıyzǵa azaıǵan

2 ret kórsetildi

Ádilet organdarynda sybaılas jemqorlyq 67 paıyzǵa azaıdy. Bul týraly QR Ádilet mınıstrliginiń apparat basshysynyń mindetin atqarýshy Asqar Úmbetálıev aıtty, dep habarlaıdy Egemen.kz

«2020 jyly faktorlyq-baldyq shkala boıynsha ilki joba barlyq aýmaqtyq ádilet organdarynda qosymsha qarjylandyrýsyz óz qarajattary esebinen engizildi. Joba nátıjeli ótýde. Qyzmetkerlerdiń eńbekaqysy orta eseppen 60 paıyzǵa deıin ósti. Máselen, bas sarapshy FBSh engizilgenge deıin 130 myń teńge, al shkala engizilgennen keıin - 207,5 myń teńge aldy. Ádilet organdary boıynsha qyzmetkerlerdiń taza aýysymdylyǵy 2019 jylmen salystyrǵanda 43 paıyzǵa deıin qysqarǵany baıqalady», dedi ol mınıstrliktiń keńeıtilgen alqa otyrysynda.

Onyń dereginshe, Prezıdenttik jastar kadrlyq rezervinen 3 qyzmetkerdiń laýazymy joǵarylady. Mınıstrlikte «Bolashaq» Prezıdenttik baǵdarlamasynyń 57 túlegi jáne Memlekettik basqarý akademııasynyń 26 túlegi qyzmet etedi. «Bolashaq» baǵdarlamasy boıynsha - 20 jáne Memlekttik basqarý akademııasynda 6 qyzmetker oqıdy. Qyzmettik mindetterin tıimdi oryndaǵan 36 qyzmetker mansaby boıynsha sarapshydan bas sarapshyǵa, bas sarapshydan bólim basshysyna, bólim basshysynan dırektordyń orynbasaryna joǵarylatyldy.

«Sybaılas jemqorlyq quqyq buzýshylyq 67 paıyzǵa azaıdy. Mınıstrlikte 2019 jyldyń shildesinen «ADALDYQ ALANY» jobalyq ofısi tabysty jumys isteıdi. Ofıs kúndelikti sybaılas jemqorlyqty joıýǵa jáne azamattardyń memlekettik bılik ınstıtýttaryna degen senim deńgeıin arttyrýǵa baǵyttalǵan is-sharalar ótkizedi. Jobalyq ofıstiń iske asyrylýynyń jaǵymdy jaqtaryn eskere otyryp, mınıstrlik 2020 jyly aýmaqtyq ádilet organdarynda óńirlik ofısterin ashty», dedi Asqar Úmbetálıev.

Sońǵy jańalyqtar

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar