«Áleýmettik medısınalyq saqtandyrý qory 2021 jyldyń 25 qańtaryna deıin shaǵyn jáne orta bıznes kásipkerleri jeńildikti sanattaryna jatatyn óz qyzmetkerleriniń derekterin (JSN) msb.fms.kz siltemesi boıynsha «Saqtandyry» aqparattyq júıesine engizip, jańartyp otyrýy tıis ekenin eske salady. Ýaqtyly engizilmegen jaǵdaıda qyzmetkerler saqtandyrý mártebesiniń bolmaýyna baılanysty MÁMS júıesinde medısınalyq kómekke júgine almaıdy. Bul is-sharany shaǵyn jáne orta bıznes ókilderi turaqty túrde esepti aıdan keıingi aıdyń 25-ne deıin júrgizýi kerek», deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
Esterińizge sala keteıik, 2020 jylǵy qarashada Qazaqstan Respýblıkasy Úkimetiniń 2020 jylǵy 30 qazandaǵy №721 qaýlysy shyqty, qujatqa sáıkes jeke praktıkamen aınalysatyn adamdar, sondaı-aq mıkro, shaǵyn nemese orta kásipkerlik sýbektileri 2021 jylǵy 1 qańtarǵa deıin jaldamaly qyzmetkerler úshin aýdarymdardy tóleýden bosatylǵan bolatyn.
Pandemııa kezinde «nóldik mólsherlemeni» qoldanǵan ShOB tizimine saýda, kólik jáne tehnıkalyq qyzmet kórsetý, bilim berý, medısına, týrızm, meıramhana-qonaq úı isi, oıyn-saýyq salasy, baǵdarlamalyq qamtamasyz etý, fıtnes jáne t.b. sýbektiler kirdi.
