Rýhanııat • 22 Qańtar, 2021

«Er Edige-Noǵaıly dáýiriniń jyry» atty mýzykalyq albom jaryq kórdi

222 ret kórsetildi

Nur-Sultan qalasynda Ulttyq akademııalyq kitaphanada «Er Edige-Noǵaıly dáýiriniń jyry» mýzykalyq albomy tanystyryldy, dep habarlaıdy Egemen.kz

Birneshe jyr-dastandy qamtyǵan jańa jınaq Aqtóbe oblysynyń ákimdiginiń muryndyq bolýymen jaryqqa shyǵyp otyr.

«Sońǵy eki jylda Aqtóbe oblysy ákimdiginiń qoldaýymen, oblystyq mádenıet, arhıvter jáne qujattama basqarmasy Noǵaıly dáýiri jyrlarynyń antologııasyn shyǵarýdy qolǵa alǵan bolatyn. Sol jumystyń nátıjesinde, 2020 jyly QR eńbek sińirgen qaıratkeri, belgili jyrshy-jyraý Almas Almatovtyń jetekshiligimen «Er Edige» — Noǵaıly dáýiriniń jyry» atty mýzykalyq albom jaryqqa shyqty», dep atap ótti Aqtóbe oblysy ákiminiń orynbasary M.Shermaǵanbet Nur-Sultanda «Er Edige –Noǵaıly dáýiriniń jyry» atty ǵylymı-praktıkalyq konferensııada.

«Er Edige» — túrki halyqtary arasynda eń kóp taraǵan jyrlardyń biri. Jınaqqa engen jyrlarda kóptegen tarıhı tulǵalardyń esimderi atalyp, erlik isteri baıandalǵan. Jınaqqa «Edige batyr» eposy, Muryn jyraý nusqasyndaǵy «Qyrymnyń qyryq batyry» jáne «Qarasaı-Qazı» dastany (Qaırolla Imanǵalıev nusqasy), jáne basqa da el arasynda keńinen jyrlanyp júrgen kólemdi dastandar engen. Jalpy sany 40-tan astam jyrshydan 60 saǵattyq jyr jazyp alynǵan.

«Elbasymyzdyń «Rýhanı jańǵyrý» baǵdarlamasy aıasynda jaryq kórip otyrǵan «Er Edige» — Noǵaıly dáýiriniń jyry» mýzykalyq albomynyń jaryq kórýi – ulttyq mýzyka tarıhyndaǵy eleýli oqıǵa desek, qatelespeımiz. Edige batyrdyń ómiri men erlik joldary qazaqqa ǵana emes, ısi túrki halyqtaryna ortaq mura. Osy rette ataqty epık jyraý Muryn Seńgirbaıulynyń oryndaýyndaǵy «Qyrymnyń qyryq batyry», aqyn Nurpeıis Baıǵanınniń jyrlarynyń osy jınaqqa enýi jobanyń qunyn arta túsirgeni anyq. «Er Edige» — Noǵaıly dáýiriniń jyry» mýzykalyq jınaǵy búgingi jáne bolashaq urpaqty jańa izdeniske bastap, aldaǵy ýaqytta da óz jalǵasyn tabaryna senim bildiremin. Osy oraıda atalmysh sharany iske asyryp, qoldaý kórsetkeni úshin Aqtóbe oblysynyń ákimi Ońdasyn Seıilulyna Mádenıet jáne sport mınıstrligi atynan erekshe alǵys aıtqym keledi», dedi Mádenıet jáne sport vıse-mınıstri Nurǵısa Dáýeshev.

Mýzykalyq dastan eki bólikten turady, birinshi kitapta «Qyrymnyń qyryq batyry» jáne Edige batyr týraly tarıhı jyrdy jetkizgen jyraýlardyń ómirbaıany qazaq, orys jáne aǵylshyn tilderinde berilse, ekinshi kitapta jyr jazylǵan 10 dısk ornalasqan.

«Mýzykalyq albomnyń basy-qasynda Qazaqstannyń jetekshi ǵalymdary, tarıhshylar, belgili ólketanýshylar, etnograf, mýzyka zertteýshileri qatysyp, óz úlesterin qosty. Jalpy ıdeıa avtory – oblys ákimi Ońdasyn Orazalın, jobanyń jetekshisi – ataqty jyraý, Qazaq ulttyq óner ýnıversıtetiniń professory Almasbek Almatov, jobanyń ǵylymı jetekshisi – S.Báıishev ýnıversıtetiniń professory, edigetanýshy Jumanazar Asan, ólketanýshy Bekarystan Myrzabaı, mýzykalyq redaktory – Qazaqkonsert solısi Kúnsulý Túrikpen, dybys rejısseri – Dastan Palmanov, mýzykalyq shyǵarmalardy óńdegen – kompozıtor Amangeldi Sándibaı, albomdy basyp shyǵarǵan – «Qazaq kitaptary» JShS dırektory Orynbek Ánesov jáne ulttyq naqyshta bezendirýshi – sýretshi Aıbek Orynbasarov», dep túsindirdi Meırambek Shermaǵanbet.

Mýzykalyq albom 500 danamen jaryqqa shyqty jáne kitaphanalarǵa taratylady.

Sońǵy jańalyqtar

Áýlıe ata hám uly jyraý

Rýhanııat • Búgin, 23:01

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar