Indet aýqymy ulǵaıyp keledi

«Qyzyl aımaqta» Nur-Sultan qalasy, Aqmola, Atyraý, Batys Qazaqstan, Qos­tanaı, Pavlodar, Soltústik Qazaqstan oblystary tur. Epıdemııalyq ahýal dabyl qaǵarlyq jaǵdaıǵa jetken bul óńirlerde qaýipsizdik sharalary barynsha kúsheıtilip jatyr. О́ńirlerdiń bas memlekettik sanıtarlyq dárigeriniń jańa qaýlylary shyǵyp, talap-tártip qatańdatyldy.

Pavlodar oblysynda óńir­­diń bas sanıtarlyq dári­­geriniń jańa qaýlysyna sáı­­kes qalaaralyq jáne aý­danaralyq baǵytta jolaýshylardy tasymaldaý toq­ta­tylady. Pavlodar oblysy sanıtarlyq-epıde­mıo­logııalyq baqylaý de­par­ta­mentiniń ókili Ǵızat Abeshevtiń aıtýynsha, Aq­sý – Pavlodar baǵy­tyn qospa­ǵanda, oblys ishin­degi qala­aralyq jáne aýdan­ara­lyq avtobýs, shaǵyn avtobýs jolaýshylar tasymaly toqtatylady. Qoǵamdyq ta­maq­taný oryndary tapsyrysty jetkizý nemese ózimen birge alyp ketý rejimine aýys­tyrylady. Saýda oryndary, taksıler men qoǵamdyq kólikterde sanıtarlyq dezınfeksııa kúsheıtiledi. Halyqqa qyzmet kórsetý ortalyqtary saǵat 9.00-den 18.00-ge deıin al­­dyn ala jazylý arqyly qyz­­met kórsetedi jáne senbi, jek­­senbi, mereke kúnderi ju­mys kes­tesine tyıym salynady.

Aqmola oblysynda da óńir­diń bas memlekettik sanı­tar­lyq dárigeriniń jańa qaý­lysy shyǵyp, soǵan sáıkes HQO-lardyń, sonyń ishinde mamandandyrylǵan HQO, 1414 call-ortalyǵy jáne vır­týaldy assıstentterdiń jumysy retteledi. Endi ju­mys kúnderi olar 09.00-den 18.00-ge deıin jumys isteıdi, al senbi jáne jeksenbi kúnderi jumysyn toqtatady. Bul rette azamattardy qabyldaý elektrondy úkimet portaly nemese call-ortalyq arqyly kezekti aldyn ala brondaý arqyly júzege asyrylady.

Indettiń qaıta órship, keń taralýyna saqtyq sharalaryna salǵyrt qarap, talap, tártipti jete eskermeý sebep bolyp jatyr. Bas prokýratýra Quqyqtyq statıstıka jáne arnaıy esepke alý jónindegi komıtetiniń baspasóz qyzmeti habarlaǵandaı, karantındik shek­teýler engizý jáne sanı­tar­lyq talaptardy qatań­datý kezeńinde eldiń densaý­lyq saqtaý júıesiniń qyz­met­kerleri anyqtaǵan quqyq buzýshylyqtar sany artty. Jal­py 3,6 mlrd teńge soma­syna aıyppul salý týraly qaýly shyǵaryldy, onyń ishinde quqyq buzýshylar
3 mlrd teńge tóledi.

Osyndaı aıyppuldardyń kópshiligi Túrkistan oblysynda (5 014), Almaty qalasynda (4 775) jáne Shyǵys Qazaq­stan oblysynda (1 831) sa­lyn­ǵan. Olardyń eń az sany Mańǵystaý (204), Pavlodar (523) jáne Jambyl (590) oblystarynda tirkelgen. Maska taǵý rejimin buzǵany úshin 15 613 jeke tulǵa ákimshilik jaý­apkershilikke tartyldy. Bul turǵyda Almaty qala­sy (4 434), Túrkistan
(4 009) jáne Shyǵys Qazaqstan (1 126) oblystary kósh bas­tap tur.