Robototehnıka boıynsha halyqaralyq jarysqa usynylǵan «RUD SMART MASK» jobasy respıratorlyq maska men qorshaǵan orta analızatory fýnksııasyn atqara alady.
- Maska negizgi eki bólikten turady: birinshisi, aýadaǵy gazdy anyqtaýǵa arnalǵan taldaǵysh pen sıgnal berýshi qurylǵy, olar bluetooth-modýl arqyly aqparat taratady. Al ekinshi bóligi súzgi esebinde qoldanýǵa bolatyn maska, ol aǵzamyzdy lastanǵan aýa men vırýstan qorǵaıdy. Tutynýshyǵa yńǵaıly bolý úshin eki komponent ózara neodım magnıtimen jalǵanyp tur, - deıdi ónertapqysh oqýshy.
Maska qazirgi ýaqytta kóptiń qajettiligine aınalǵandyqtan, onyń sapasy ári qaıta paıdalaný múmkindigi asa mańyzdy. Osy turǵyda jas ónertapqysh «Aqyldy maskany» tazalaýǵa arnalǵan RUD STAND qurylǵysyn da jasaǵan.
- Maska fıltri ýltramedkol, spanbond, belsendirilgen kómir qosylǵan mata jáne akrılden jasaldy, al bul apparat ony arnaıy ýltrakúlgin sáýleler kómegimen birneshe mınýt ishinde zalalsyzdandyrady. Nátıjesinde maska qaýipsizdikti qamtamasyz etedi, - deıdi aqtóbelik zııatker.
Sh.Ýálıhanov mektebi uıymdastyrǵan halyqaralyq jarysqa Reseı men О́zbekstan, Túrkııa memleketterinen de jobalar usynyldy. Álemdegi koronovırýstyq pandemııaǵa baılanysty baıqaý onlaın formatta ótti.
