Tehnologııa • 25 Qańtar, 2021

1 aqpannan bastap Almaty tolyǵymen sıfrly telehabarǵa kóshedi

4 ret kórsetildi

1 aqpannan bastap Almaty qalasy tolyǵymen sıfrly efırlik telehabarǵa kóshedi, dep habarlaıdy Egemen.kz qala ákimdigine silteme jasap.

2021 jyldyń 1 aqpanynda Almaty qalasynda «Kóktóbe» telemunarasynda sıfrlyq efırlik telehabar taratý jelisine kóshý boıynsha is-shara ótedi. О́ńirde sıfrly efırlik telehabar taratý jelisin engizý memlekettik jobasy júzege asyryldy.

Qurylym álemdegi seısmoturaqty munara bolyp sanalady. «Kóktóbe» telemunaralardyń álem reıtıngisinde 14-shi oryndy ıelenedi. Onyń qurylysy 9 jylǵa sozylyp, alǵash ret 1984 jyly sıgnal taratqan bolatyn. Qazirgi ýaqytta munara elimizde televızııa sıgnalyn sıfrly formatqa aýystyrý úderisine qatysatyn mańyzdy nysandardyń biri. Búkil Qazaqstan boıynsha teleradıohabar taratý jelisin baqylaý jáne monıtorıngteý ortalyǵy Kóktóbede ornalasqan.

Alǵash ret elimizde sıfrly televızııa 2012 jyly 3 shildede Tuńǵysh Prezıdent Nursultan Nazarbaevtyń qatysýymen ótken «Indýstrıalızasııa kúni» sharasy aıasynda iske qosylǵan bolatyn. Sodan beri elimizde radıotelevızııalyq stansa salyp, modernızasııa qarqyndy túrde júrgizilip keledi.

Almaty qalasy men Almaty oblysynda 90 radıotelevızııalyq stansa qoldanysqa engizildi. Bul RTS-ter 736 eldi mekendi sıfrlyq telesıgnalmen qamtamasyz etip otyr, ıaǵnı qala men oblys turǵyndarynyń 99 paıyzy, shamamen 3,8 mln turǵyn SETV jelisinde arnalardy tamashalýǵa múmkindigi bar.

Búgingi tańda sıfrly efırlik telehabar taratý jelisi barlyq oblys ortalyqtarynda jáne birqatar oblysta qoljetimdi: Mańǵystaý, Jambyl, Túrkistan, Almaty, Pavlodar, Qostanaı oblystarynda jáne Shymkent qalasy tolyqtaı kóship qoıǵan. Endi 1 aqpanda Almaty qalasy men Soltústik Qazaqstan oblysyn tolyq kóshirý josparlanyp otyr. Búkil Qazaqstan boıynsha analog telehabar taratý jelisin óshirý úshin 827 radıotelevızııalyq stansaa turǵyzylyp, modernızasııalaný kerek. Qazirgi ýaqytta 546 radıotelevızııalyq stansa iske qosyldy. Sonyń nátıjesinde SETV-nyń qamtý aýmaǵy el halqynyń 91 paıyzyn qurap otyr. Sıfrlyq efırlik telehabar taratý jelisin engizý jobasy 2022 jyly aıaqtalady dep josparlanǵan. SETV-ge kóshýdiń merzimderi men kezeńderin QR memlekettik quzyrly organ bekitedi.

1 aqpanda Almaty qalasymen qatar Soltústik Qazaqstan oblysy da sıfrlyq efırlik telehabar taratý jelisine kóshedi. Sonymen qatar 1 jeltoqsanǵa deıin Nur-Sultan qalasy men Qaraǵandy oblystary kezekte tur.

Jobany júzege asyrý 2022 jyly aıaqtalady dep josparlanǵan.

Sońǵy jańalyqtar

Elektrondy saýda-sattyq qaıtse damıdy?

Ekonomıka • Búgin, 22:41

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar