«Nemolchı» qoǵamdyq qorynyń basshysy Dına Smaılova agressor pedofıl ekenin aıtqan. Almaty oblysynyń polısııa ókilderi balalardy uryp-soǵý isi sotqa joldanǵanyn aıtty.
Dına Smaılovanyń sózinshe, saraptama boıynsha eki balaǵa da zorlyq áreketteri jasalǵany anyqtalǵan.
«Turmystyq agressor pedofıl bolyp shyqty. Er adam buǵan deıin de sottalǵan, áıeli men onyń anasyna qoqan-loqy kórsetedi. Otbasy aýyr jaǵdaıdy basynan ótkizip jatyr. Ony ómir baqı bas bostandyǵynan aıyrady dep úmittenemin», deıdi Dına Smaılova.
Almaty oblysynyń polısııa ókilderi is sotqa joldanǵanyn habarlady.
«Is QR Qylmystyq kodeksiniń 107-babynyń, 1-bóligi, 110-babynyń, 2-bóligi jáne 121-babynyń, 4-bóligi boıynsha 45 jastaǵy er adamǵa qatysty 2020 jyldyń sońynda Ile aýdandyq polısııa bólimshesi sotqa joldady. Kúdikti Almatydaǵy tergeý ızolıatoryna qamaldy», deıdi Almaty oblysynyń PD ókilderi.
