Qoǵam • 25 Qańtar, 2021

Oqýshy neden kóz jumdy?

839 ret kórsetildi

О́tken apta sońynda áleýmettik jelilerde Qyzylorda qalasynda bir oqýshynyń koronavırýs indetinen qaıtys bolǵany jaıly jazba jarııalanǵan edi. Osyǵan baılanysty dúısenbi kúni oblystyq densaýlyq saqtaý, bilim basqarmalary basshylary brıfıng ótkizip, oqıǵanyń jaı-japsaryn aıtyp berdi.

Densaýlyq saqtaý basqarmasynyń basshysy Sábıt Pazylovtyń aıtýynsha 5 qańtardan bastap mektep oqýshysynyń ystyǵy kóterilip, ózin jaısyz sezine bastaǵan eken. Onynshy qańtar kúni №5 emhanaǵa qaralyp, oblystyq juqpaly aýrýlar aýrýhanasyna jatqyzylady. Osy emdeý mekemesinde alynǵan PSR test teris nátıje bergen soń, 19 qańtar kúni balalar aýrýhanasyna aýystyrylypty. Bul jerde alynǵan synama da bala boıynda koronavırýs ınfeksııasynyń joqtyǵyn kórsetken. Respýblıkadaǵy basqa da tájirıbeli mamandarmen aqyldasa otyryp, qoıylǵan basqa dıagnoz da anyqtalmapty. Neshe kúngi emnen keıin de ońalmaǵan 10 jastaǵy bala 24 qańtar kúni kóz jumdy. Oǵan dárigerler «ókpe, júrek jetkiliksizdigi» degen dıagnoz qoıyp otyr.

Oblystyq bilim basqarmasynyń basshysy Aqzıra Qasymova qaıtys bolǵan mektep oqýshysynyń Qyzylorda qalasyndaǵy №8 P.Osıpenko atyndaǵy mekteptiń 4 synybynda  oqyǵanyn aıtyp ótti.

   – Bala I toqsannan bastap onlaın formatta, qashyqtan oqyp kelgen. Oqý úlgerimine qatysty problema týyndaǵan emes. Qashyqtan oqytýǵa baılanysty elektrondy tehnıkamen qamtylǵan. Bala aýyrǵannan bastap, synyp jetekshisi otbasymen únemi habarlasyp, jaǵdaıyn bilip otyrǵan, – deıdi basqarma basshysy.

Brıfıngte basqarma basshysy mektepterdegi oqý prosesin uıymdastyrý bas memlekettik sanıtarııalyq dárigerdiń qaýlysy negizinde júrgiziletinin jetkizdi. Bilim berý uıymdarynda sanıtarııalyq talaptar tolyq saqtalǵan. Dástúrli túrde oqıtyn balalar 5 satylyq dezınfeksııalyq tekserýden ótedi. Mektepke ata-analardyń kirýine tıym salynǵan. Oqýshylardyń da shoǵyrlanbaýy udaıy qadaǵalanyp otyrady. Oblys boıynsha qazir 89 258 oqýshy qashyqtan, 80 636 shákirt dástúrli formatta bilim alýda. 

Jalpy oqý jyly bastalǵaly beri 22 oqýshy kovıdke shaldyǵypty. Onyń 6-y dástúrli túrde kezekshi synyptarda bilim alatyndar qatarynan anyqtalsa, 16-y qashyqtan oqıtyndar arasynan shyǵyp otyr.

Jýrnalıstermen kezdesýde oblystyq densýlyq saqtaý basqarmasynyń basshysy Sábıt Pazylov pen bas memlekettik sanıtarlyq dáriger Álııa Ábdiqaıymova óńirdegi epıdemııalyq ahýal jaıly da baıan etti. Osy kúnge deıin oblysta 3544 naýqas tirkelgen, aptanyń alǵashqy kúni taǵy 9 jaǵdaı anyqtalyp otyr. Indetke shaldyqqandardyń 96,6 paıyzy emelip shyǵypty. Qazir ınfeksııalyq stasıonarda 38 naýqas em alýda, onyń 4-eýi jansaqtaý bólimine jatqyzylǵan.

Aqpan aıynan bastap koronavırýs ınfeksııasyna qarsy ekpe salynady. О́ńirge reseılik «Spýtnık V» vaksınasynyń 80 myń dozasy kezeń-kezeńimen ákelinedi. Búginde daıyndyq jumystary júrýde.  

   – Birinshi kezekte erikti túrde medısına qyzmetkerlerine, pedagogterge, sozylmaly aýrýlarmen aýyratyn toptaǵy adamdarǵa salynady. 18 jasqa deıingi balalar jáne 65 jastan asqan qarııalarǵa ekpe salynbaıdy. Búginde oblys boıynsha 154 egý kabıneti belgilendi. Budan bólek, shalǵaı eldi mekende turatyn azamattarǵa vaksına salý úshin 64 jyljymaly egý brıgadasy uıymdastyryldy. Vaksına bir adamǵa eki márte salynady. Iаǵnı birinshi ekpe qabyldanǵannan keıin 21 kúnnen keıin qaıta egiledi, - dedi Sábıt Pazylov.

   – Egý jumystaryna kópshiliktiń úrke qaraıtyny túsinikti. О́ıtkeni, mundaı vırýs buryn bolǵan joq. Taǵy bir eskerte keterimiz, vaksına erikti túrde salynady, – dedi oblys boıynsha sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar