Osy kúnge deıin indetten 3 408 naýqas jazylyp shyqqan. 20 qańtar kúngi málimette 6 adamnyń indet juqtyryp, 7 turǵynnyń dertten qulantaza aıyǵyp shyqqany kórsetilgen.
Qazir ınfeksııalyq stasıonarda – 27, al stasıonardyń reanımasııa bóliminde 3 naýqas em alyp jatyr. Epıdemııa bastalǵaly beri oblys turǵyndarynan 183 473 synama alynǵan. Oblys aýmaǵynda 138 mobıldi top jumys istep jatyr.
Oblys indetke qarsy dárilik zattarmen jetkilikti qamtylǵanyn da aıta keteıik. Jyl basynan beri quny 155,3 mln teńge bolatyn 6 mıllıonǵa jýyq dárilik zat alyndy. Jýyrda taǵy 124 mln teńgege preparattar jetkiziledi.
– Qazir antıbıotıkterdiń 382 755, vırýsqa qarsy preparattardyń 15 221, antıkoagýlıanttardyń 1 317, ystyqty túsiretin dárilerdiń 166 687 qoraby bar. Bıyl 6 512 dárilik zat ataýyna shekti baǵa bekitildi. Sonymen qatar, vırýsqa qarsy 134 dárige naryqtan tómen shekti baǵa engizilip otyr. Qajetti dári-dármekterge monıtorıng turaqty júrgizilýde, – deıdi oblystyq medısınalyq jáne farmasevtıkalyq baqylaý departamentiniń bólim basshysy Nurbek Ádilhanov.
Qyzylorda oblysy
