Sonyń ishinde 5 933 naýqasta vırýstyń sımptomdy, al 3585 adamda sımptomsyz túri anyqtalǵan. Indetten 99 adam qaıtys bolǵan. О́lim-jitim kórsetkishi 1,06-ny quraıdy. Vırýs juqtyrǵandardyń basym kópshiligi eresek adamdar. Barlyq naýqastyń 8,3 paıyzy – 14 jasqa deıingi balalar.
Indettiń etek alýyna ózimiz sebepshi bolyp otyrmyz. Áli kúnge deıin jasyryn toı-tomalaq, qudalyq tyıylmaı tur. Alǵashqy bettegi úreı seıildi. Esesine, aýrý kóbeıdi.
Koronavırýs dıagnozy kóbinese naýqastardyń emhanaǵa ózderi baryp qaralý kezinde qoıylǵan. Sondaı-aq koronavırýsqa shaldyqqan naýqastarmen baılanysta bolǵan adamdar arasynda test júrgizý jáne profılaktıkalyq skrınıngter kezinde de indet jıi anyqtalyp otyr. Oblys epıdemııalyq jaǵdaıǵa baıla
nysty birneshe aptadan beri «qyzyl» aımaqta. Epıdemııalyq qyzmettiń málimetterin saraptasańyz, jaǵdaıdyń údep bara jatqanyn ańǵarar edińiz. Máselen, bir táýliktiń ishinde oblysta 219 vırýs juqtyrý oqıǵasy anyqtalyp otyr. Sońǵy táýlikte jaman tumaý juqtyrǵan naýqastarmen baılanysta bolǵan 594 adam turaqty baqylaýǵa alynǵan.
Búgingi tańda, COVID-19 vırýsymen qatar, osy vırýs belgilerine uqsas pnevmonııaǵa shaldyǵý derekteri de tirkelýde. Máselen, oblysta bir aptanyń ishinde mundaı dıagnoz 51 adamǵa, al sońǵy táýlikte 2 adamǵa qoıylǵan.
Sońǵy táýlikte vırýs anyqtalǵan naýqastardyń basym kópshiligi Kókshetaý, Stepnogor qalalary men Býrabaı, Esil, Zerendi, Jarqaıyń, Selınograd aýdandarynda. Al indettiń oqýshylar arasynda taralý kórsetkishi boıynsha Kókshetaý qalasy kósh bastap tur. Indet juqtyrǵan 179 oqýshynyń 70-i dástúrli, 109-y qashyqtan bilim alyp jatqan balalar. Epıdemııalyq qyzmet mamandary oqýshylar arasynda indettiń taralýyna karantın talaptarynyń saqtalmaýy sebep bolǵanyn aıtady. Demek, halqymyzdyń «saqtansań, saý bolasyń» deıtin támsili ábden shyndyq.
Aqmola oblysy
