Aımaqtar • 26 Qańtar, 2021

Qyzylorda oblysynda «qyzmetkerimen tóbelesken» aýdan ákimi týraly naqty aqparat aıtyldy

37 ret kórsetildi

Jelide Qazaly aýdanynyń ákimi Murat Ergeshbaev ákimdik qyzmetkerlerimen tóbeleskeni týraly aqparat taraǵan edi. Qyzylorda oblysy ákimdigi aýdan ákiminiń tóbelesip, pyshaqtasqany týraly qaýesetti joqqa shyǵardy, dep habarlaıdy Egemen.kz.

«Áleýmettik jelide Qazaly aýdanynyń ákimi men ákimdik qyzmetkerleri tóbeleskeni týraly aqparat tarady. Bul jalǵan aqparattar. Polısııa basqarmasynda da, aýdan ákimdiginde de mundaı derek tirkelmedi. Sondyqtan tek resmı aqparatqa senýge shaqyramyz», dedi ákimdik ókilderi.  

Buǵan deıin áleýmettik jelide 1 qańtarda aýdan ákimi men basqa da aýdan sheneýnikteri otyrys jasaǵany týraly habar taraǵan. Qonaqtar Qazaly aýdanynyń ákimdik apparatynyń basshysy Nurǵısa Jalǵasbaevtyń úıinde jınalǵan. Jelide taraǵan aqparatqa sáıkes, jıynǵa PIK bólimshesiniń basshysy Murat Absultanov, aýdan ákiminiń kómekshisi Muhtar Nábıev, aýdandyq saılaý komıssııasynyń tóraǵasy Janyppar Jalǵasbaev jáne basqasy kelgen. 

Sonymen qatar, qonaqtar keshki as aldynda karta oınaýǵa barǵany aıtylǵan, sol ýaqytta ákim Ergeshbaev mas kúıde Absultanovqa til tıgizgen. Osydan keıin ekeýi tóbelesip, pyshaqtasqan. Artynsha qonaqtar polısııa shaqyrǵan, alaıda bul derek tirkelmegen.  

 

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar