Álem • 26 Qańtar, 2021

Koronavırýs ýaqyty sońǵy 100 jyldyqtaǵy eń aýyr daǵdarys - BUU

155 ret

kórsetildi

1 mın

oqý úshin

BUU bas hatshysy Antonıý Gýterresh koronavırýs pandemııasy saldarynan álem sońǵy 100 jyldaǵy eń aýyr ekonomıkalyq daǵdarysqa aıaq basty dep málimdedi. Onyń Davos kún tártibi sharasyndaǵy sózi uıymnyń resmı saıtynda jarııalandy. BUU basshysy qazirgi ýaqyttaǵy koronavırýs daǵdarysy aıasyndaǵy álemdi bir sózben – «álsizdik» dep sıpattaýǵa bolatynyn atap ótti, dep habarlaıdy Egemen.kz

Dınar KERIM

Koronavırýs ýaqyty sońǵy 100 jyldyqtaǵy eń aýyr daǵdarys - BUU

«Pandemııa saldarynan eki mıllıonnan astam adam qaıtys boldy, jáne biz sońǵy 100 jyldaǵy eń aýyr ekonomıkalyq daǵdarystamyz», dedi Gýterresh.

Dıplomat pandemııa adamdar men elder arasyndaǵy teńsizdik, «klımat jáne bıoalýantúrlilik daǵdarysynyń» turaqsyzdyǵy sııaqty álemdik problemalardy týdyrdy dep sanaıdy. Onyń aıtýynsha, «tabıǵatpen soǵyssaq» ol bizge «keri soqqy beredi». Gýterresh álemdi dıalog pen yntymaqtastyqqa shaqyrdy.

«Úkimetter, halyqaralyq uıymdar, jeke sektor jáne azamattyq qoǵam, qalalar birge jumys isteýi kerek», dedi ol.

Sonymen qatar, BUU bas hatshysy 2021 jyly álemdi pandemııa saldarynan qalpyna keltirýge «álsizdikten turaqtylyqqa ótýdi» qoldanýdyń erekshe múmkindigi baryn aıtty.