AMT músheleri júıeli negizde sybaılas jemqorlyqqa qarsy strategııanyń qaǵıdattaryn iske asyrý boıynsha jumys júrgizedi.
2020 jylǵy AMT qyzmetiniń qorytyndysy jáne aldaǵy kezeńge arnalǵan jospary týraly aqaparat Agenttik ókilderi qatysqan onlaın-keńeste tanystyryldy.
Respýblıkalyq AMT basshysy Aıgúl Soloveva konsýltatıvtik-keńesshi organ qyzmetiniń negizgi baǵyttary men qoǵam belsendilerimen júrgizilgen monıtorıng barysyndaǵy ózekti máseleler týraly baıandady.
Birlesken jumysty odan ári jaqsartý boıynsha A.Solovevamen Sybaılas jemqorlyqqa qarsy strategııany iske asyrý boıynsha óńirlik josparlardy ázirleý, oǵan is-sharalar retinde halyqaralyq uıymdardyń (EYDU, GREKO, EQYU) usynymdaryn qosa otyryp, sondaı-aq BAQ-pen neǵurlym belsendi ózara is-qımyl jasaý jáne júrgizilip jatqan jumysty jarııa etý boıynsha áleýmettik jelilerdiń múmkindikterin paıdalaný usynyldy.
Keńeske qatysýshylar azamattyq qoǵamdy sybaılas jemqorlyqqa qarsy kúreske belsendi tartýdyń ózektiligi, sondaı-aq AMT-nyń basqa qoǵamdyq birlestiktermen jáne azamattarmen neǵurlym tyǵyz kollaborasııa qajettiligi týraly biraýyzdan pikir bildirdi.
Sonymen qatar, AMT memlekettik organdarǵa senimniń negizin qalyptastyratyn úsh negizgi baǵytqa – memlekettik apparattyń transparenttiligine, memlekettik qyzmetterdi kórsetý sapasyna jáne memlekettik qyzmetshilerdiń etıkalyq normalardy saqtaýyna nazar aýdarýy tıis ekendigi atap ótildi.
«Ortalyq memlekettik organdar men ákimdikterdiń josparlardy oryndaýyna baqylaýdy kúsheıtý, sybaılas jemqorlyqqa qarsy is-qımyl jónindegi jergilikti komıssııalardyń quramynda AMT-nyń jumysyn jandandyrý qajet. Sonymen qatar, qoǵam ókilderi zań aıasynda jumys isteýi kerek. Biz qazaqstandyqtardyń ómirin jaqsartý úshin adal jáne zań boıynsha sharalar qabyldaıtyndardy ǵana qoldaımyz», dedi A.Shpekbaev.
Aıtylǵan esepter men usynystardy eskere otyryp, Agenttik Tóraǵasy AMT jumysyna oń baǵa berip, qoǵamdaǵy sybaılas jemqorlyqty joıýǵa qosqan eleýli úlesi úshin A.Solovevaǵa alǵys bildirdi.
