Ekonomıka • 26 Qańtar, 2021

2021 jyly álemdik ekonomıka 5,2%-ǵa deıin qalpyna kelýi múmkin

11 ret kórsetildi

Úkimettiń keńeıtilgen quramdaǵy otyrysynda Ulttyq bank tóraǵasy Erbolat Dosaev banktiń qarjylyq tehnologııalar men ulttyq tólem júıesin damytýǵa baǵyttalǵan birqatar strategııalyq qujatty qabyldaǵanyn málim etti, dep habarlaıdy Egemen.kz

«Pandemııa jáne elektrondy qyzmetterge suranystyń ósýi jaǵdaıynda Ulttyq bank sıfrlandyrý men qarjylyq tehnologııalardy belsendi túrde damytty. Sıfrlyq qyzmetter úlesin arttyrǵan jańa servısterdi engizýmen birge Ulttyq bank qarjylyq tehnologııalar men ulttyq tólem júıesin damytýǵa baǵyttalǵan birqatar strategııalyq qujatty qabyldady», dedi E. Dosaev.

Erbolat Dosaevtyń aıtýynsha, pandemııa Ekinshi dúnıejúzilik soǵystan keıingi eń tereń quldyraýdy bastaı otyryp, barlyq eldiń ekonomıkasyna áser etti. Negizgi damýshy elderdiń ishinde ekonomıkanyń ósýi jalpy ishki ónimi Qytaıda ǵana ósken – 2,3%-ǵa, biraq onda sońǵy 45 jyldaǵy eń tómengi deńgeı tirkeldi.

«2021 jyly álemdik ekonomıkanyń 5,2%-ǵa deıin qalpyna kelýi kútilýde, alaıda turaqsyz epıdemııalyq jaǵdaıǵa, sondaı-aq vaksınalaý prosesiniń jyldamdyǵy men tıimdiligine baılanysty neǵurlym baıaý qalpyna kelý táýekeli saqtalyp otyr», dedi Ulttyq Bank basshysy.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar