Adam ólimine ákep soqqan jol apaty búgin 26 qańtar kúni tańerteń O.Jandosov pen Á.Kekilbaıuly (Kablýkov) kósheleriniń qıylysynda bolǵan.
Oqıǵa ornynan túsirilgen vıdeo áleýmettik jelide jarııalandy. Almaty qalalyq Polısııa departamentiniń málimetinshe, jol apaty shamamen saǵat 08.00-de bolǵan. LıAZ avtobýsynyń 32 jastaǵy júrgizýshisi O.Jandosov kóshesimen shyǵys baǵytta kele jatyp Á. Kekilbaıuly kóshesiniń qıylysynda joldy kesip ótip bara jatqan 50 jastaǵy áıeldi qaǵyp ketti.
«Jaıaý júrginshi aýyr jaraqat alyp, sol jerde kóz jumdy. Bul fakti QR Qylmystyq kodeksiniń 345-baby, 3-bólimi boıynsha sotqa deıingi tergep-tekserýdiń biryńǵaı tizilimine engizildi», dedi Almaty qalalyq PD ókili Oljas Sháripov.
Onyń aıtýynsha, jaıaý júrginshi joldy ruqsat etilmegen jerden kesip ótken. Apat bolǵan jerden 300 metr qashyqtyqta jer asty ótkeli bolǵan.
