«SQ-Farmasııa» kompanııasynyń qandaı syn aıtylǵanyn bilesizder. Ol jerge salmaqty reforma kerek. Osyǵan baılanysty ne isteldi?», dedi Memleket basshysy.
Bul suraqqa jaýap bergen Alekseı Soı kompanııanyń jemqorlyq táýekelderine ishki taldaý jumystary júrgizilgenin málim etti.
«Qazirgi ýaqytta sizdiń tapsyrmańyzdy oryndaýdyń naqty jospary qurylǵan. Ol Sybaılas jemqorlyqqa qarsy is-qımyl agenttiginiń baqylaýynda. Biz qoǵamdyq jumys tobyn qurdyq. 23 adamnan turatyn jumys tobyna azamattyq qoǵamnyń, qaýymdastyqtardyń ókilderi men depýtattar kirdi. Bizdiń baqylaýshy onyń quramyna qoǵam ókilderin de engizdi», deıdi Alekseı Soı.
Osy oraıda Densaýlyq mınıstri dári-dármekti saqtaý men tasymaldaý jumysynyń elektrondy satyp alý tártibine kóshkenin óte mańyzdy másele ekenin tilge tıek etti.
«Bıyl dári-dármekti satyp alý sharýasyn tolyǵymen avtomattanryýdy kózdep otyrmyz. Osynyń arqasynda ótken jyldan qaraǵanda birshama qarajatty únemdeı alamyz», dep tolyqtyrdy Densaýlyq mınıstri.
