Qymbatty aǵaıyn, meniń tarapyma syn da aıtyldy, teris pikirler de boldy, men týraly bilmesten, jeke basyma ótip, ata-anama sóz tıgizgender de tabyldy, degen depýtat halqymyzda «júıeli sóz júıesin tabady, júıesiz sóz ıesin tabady» degen ulaǵatty sóz bar ekenin eske saldy.
«Bolam degen balanyń betin qaqpa, belin bý» dep meni qoldap, aq jol tilep, senim artyp jatqan qoldaýshylaryma myń alǵys. Aldaǵy ýaqytta qoǵamdaǵy ózekti máseleler men jastardyń jaǵdaıyn jaqsartýǵa qatysty suraqtardy kóterip, sheshilýin qadaǵalaımyn, dedi Ahmetov.
Sondaı-aq, depýtat óziniń qalyptasýyna úles qosqan, jumys babymen áriptes bolǵan, belsendi qoǵamdyq ómirdi birlese ótkergen azamattarǵa alǵys bildirdi.
- Almatyda kindik qanym tamyp, mektep shaǵymdy, stýdenttik kezeńdi ótkizip, eńbek jolymdy bastadym. Endigi kezekte qalamyzdyń kórkeıip, damý jolyndaǵy jumysyn jalǵastyramyn.Toqsan aýyz sózdiń tobyqtaı túıini, bir-birimizdiń pikirimizge qulaq salyp, birlese jumys isteıik. Maqsatymyz ortaq, «ılegenimiz bir teriniń pushpaǵy», sondyqtan sizderdiń tushymdy usynys-pikirlerińizge árdaıym ashyqpyn, dedi elimizdegi eń jas Májilis depýtaty.
