Medısına • 26 Qańtar, 2021

Alekseı Soı: Úsh óńirdiń epıdemııalyq ahýaly jetkilikti deńgeıde qadaǵalanbaı jatyr

508 ret kórsetildi

Densaýlyq saqtaý mınıstri Alekseı Soı epıdemııalyq ahýaly jetkilikti deńgeıde qadaǵalanbaı jatqan úsh óńirdi atady, dep habarlaıdy Egemen.kz

Onyń aıtýynsha respýblıkada koronavırýs juqtyrǵan azamattardyń 40 paıyzy – osy úsh oblystyń turǵyndary.

«26 qańtardaǵy epıdemııalyq ahýaldy baǵalaý matrısasyna sáıkes Qazaqstannyń 6 oblysy men 2 qalasy «qyzyl» aımaqta tur. Olar: Aqmola, Pavlodar, Atyraý, Qostanaı, Soltústik Qazaqstan, Batys Qazaqstan oblystary men Nur-Sultan jáne Almaty qalalary», dep atap ótti Densaýlyq mınıstri.

Osy oraıda ol Aqmola, Pavlodar, Qostanaı oblystarynda epıdemııalyq ahýaldy jetkilikti deńgeıde baqylaý júrgizilip jatpaǵanyn atap ótý kerektigin alǵa tartady.

«Osynyń saldarynan respýblıkada koronavırýs juqtyrǵan azamattardyń 40 paıyzy – osy oblystardyń turǵyndary. Osyǵan baılanysty atalǵan óńirlerdiń ákimderi tıisti ári tıimdi shekteý sharalaryn engizip, onyń saqtalýyna basa mán berýi kerek», dedi Alekseı Soı.

Sońǵy jańalyqtar

Minsiz – kim?

Rýhanııat • Keshe

Semeıdegi serpilis

Aımaqtar • Keshe

Uqsas jańalyqtar