Qoǵam • 26 Qańtar, 2021

Qazaqstandyq jolshylar IRAP halyqaralyq baǵdarlamasynyń sarapshylary atandy

4 ret kórsetildi

IIDM Avtomobıl joldary komıtetine qaraıtyn Qazaqstan jol ǵylymı-zertteý ınstıtýty, Jol aktıvteriniń ulttyq sapa ortalyǵy, «QazAvtoJol» UK» AQ, sondaı-aq, L.B.Goncharov atyndaǵy Qazaq avtomobıl-jol akademııasy jáne oblystyq, qalalyq ákimdikterden 27 maman alǵash ret IRAP halyqaralyq baǵdarlamasynyń tehnıkalyq saraptamasynyń sertıfıkattaryn aldy, dep habarlaıdy Egemen.kz.

Osylaısha, qazaqstandyq jolshylar ózderiniń biliktiligin joldardy baǵalaýdyń halyqaralyq júıesine beıimdep, kásibı deńgeılerin álemdik tendensııalarǵa sáıkes joǵarylatty.

Atalǵan sertıfıkat otandyq mamandarǵa halyqaralyq baǵdarlamalar boıynsha jol qaýipsizdigin baǵalaýǵa tehnıkalyq sarapshy retinde qatysýǵa múmkindik berip, oqytý kezinde alǵan bilimniń sáıkestigin rastaıdy. Sertıfıkatqa ıe mamandar Qazaqstannyń bútkil jol jelisin qaýipsizdik deńgeıine sáıkestendirip 5 baldyq júıe boıynsha baǵalaýda. Olar zerttelgen jol ýchaskelerindegi qaýipti aımaqtardy anyqtap, jol-kólik oqıǵalary qaýpin barynsha azaıtý úshin ınvestısııalyq jospar jasaıdy. Búginge deıin sarapshylar halyqaralyq keńesshilermen birlesip, elimizdegi respýblıkalyq avtomobıl joldary jelisiniń 5 000 shaqyrymyn jáne qalalyq joldardyń 1 000 shaqyrymyn zerttedi. Al sońǵy 6 jylda 137 memleketten 28 000 maman osyndaı sáıkestendirý sertıfkatyn alǵan eken.

Eske sala keteıik, IRAP júıesin engizý jónindegi joba Dúnıejúzilik banktiń qoldaýymen jáne Qazaqstan Respýblıkasy Indýstrııa jáne ınfraqurylymdyq damý mınıstrligi Avtomobıl joldary komıtetiniń bastamasymen júzege asyryldy.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar