Foto: Depositphotos.som
Oblys ákimdiginiń habarlaýynsha, oqıǵa Eski Shilik eldi mekeninde bolǵan. Jyrtqysh janýar eki bala men bir eresek adamǵa shabýyl jasaǵan.
Veterınarııalyq qyzmet ókilderi janýardan alynǵan patologııalyq materıaldy qutyrý aýrýyna kúdik boıynsha zerthanaǵa jibergen. Al zardap shekkender aýdandyq ortalyq aýrýhanaǵa jetkizilip, qutyrýǵa qarsy profılaktıkalyq vaksına alǵan.
Resmı málimetke sáıkes, zardap shekkenderdiń jaǵdaıy turaqty, olar dárigerlerdiń baqylaýynda. Eki adam úıine shyǵarylǵan, al bir adam medısınalyq mekemede em alyp jatyr.
Oqıǵadan keıin shıbóri bolǵan aýmaq pen turǵyn úılerdiń aýlalary dezınfeksııalanǵan. Qazirgi ýaqytta jaǵdaı tıisti qyzmetterdiń baqylaýyna alynǵan.
