Foto: Astana qalasynyń ákimdigi
Qalalyq jol qozǵalysyn uıymdastyrý ortalyǵynyń málimetinshe, arnaıy evakýatorlar ereje buzǵan kólikterdi kommýnaldyq turaqtarǵa jetkizýge kiristi.
Máslıhat sheshimine sáıkes, kelesi oryndarda zańsyz qoıylǵan kólikterge basymdyq beriledi:
- Jaıaý júrginshiler ótkelderi men trotýarlar;
- Múmkindigi shekteýli jandarǵa arnalǵan arnaıy oryndar;
- Tyıym salý belgileri ornatylǵan jáne ózge kólikterge kedergi keltiretin aýmaqtar.
Ortalyq dırektory Marat Sadýovtyń aıtýynsha, durys qoıylmaǵan kólikter kóshelerdiń ótkizý qabiletin 50 paıyzǵa deıin tómendetedi. Qazirgi tańda Astanada 600 myńnan astam avtokólik bar, al avtomattandyrylǵan júıeler kún saıyn 2 myńnan astam zań buzýshylyqty tirkeıdi.
Evakýasııa prosesi tolyqtaı sıfrlandyrylǵan:
-
Arnaıy júıe quqyqbuzýshylyqty tirkep, málimetti polısııaǵa joldaıdy.
-
Polısııa qyzmetkeri sıfrlyq servıs arqyly qaýly rásimdeıdi.
-
Kólik ıesine eGov Mobile arqyly habarlama keledi.
-
Mańyzdy: Eger júrgizýshi quqyqbuzýshylyqty sol jerde túzese, kólik evakýasııalanbaıdy, tek ákimshilik shara qolanylady.
Kólik júrgizý kezinde telefon paıdalaný: Beınebaqylaý kameralary qalaı jumys isteıdi?
Kóligin tappaı qalǵan turǵyndar 102 nemese 112 nómirlerine habarlasýy qajet.
-
Evakýasııa quny – 3 AEK (shamamen 11 076 teńge, 2026 jylǵy kórsetkish boıynsha).
-
Kóliktiń arnaıy turaqta turǵan ýaqyty úshin bólek tólem alynady.
Kólikti qaıtarý úshin Polısııa departamentiniń ákimshilik tájirıbe bóliminen ruqsat alý qajet. Qala bıligi júrgizýshilerdi ózgelerge kedergi keltirmeýge jáne jol erejesin qatań saqtaýǵa shaqyrady.
