Foto: Oqý-aǵartý mınıstrligi
Aýqymdy olımpıadaǵa Albanııa, Armenııa, Bolgarııa, Estonııa, Fınlıandııa, Fransııa, Grýzııa, Islandııa, Irlandııa, Qazaqstan, Kosovo, Latvııa, Lıtva, Soltústik Makedonııa, Norvegııa, Polsha, Slovenııa, Shveısarııa jáne Ýkraına elderiniń daryndy jastary jınaldy. Osyndaı tartysty básekede Qazaqstan quramasy 3 altyn jáne 2 kúmis medal jeńip alyp, aıqyn basymdyq tanytty.
Bul nátıje – elimizdiń bilim berý júıesiniń sapasy men jas býynnyń zııatkerlik áleýetiniń joǵary ekenin kórsetetin mańyzdy jetistik. Halyqaralyq deńgeıdegi bul jeńis Qazaqstan oqýshylarynyń matematıkalyq daıarlyǵy myqty ekenin taǵy bir márte aıǵaqtady.
Robototehnıka dodasy: Qazaqstan oqýshylary eki birdeı basty marapatqa ıe boldy
Jekeleı synda absolıýt jeńimpaz atanǵan – Astana qalasyndaǵy Spectrum International School-dyń 12-synyp oqýshysy Marǵulan Sharel. Sondaı-aq altyn medaldi Almaty qalasyndaǵy Nazarbaev Zııatkerlik mektebiniń 11-synyp oqýshysy Eldar Ýsenov pen Haileybury mektebiniń 11-synyp oqýshysy Erık Lım ıelendi.
Kúmis júldeni Nurorda mektebiniń 11-synyp oqýshysy Erasyl Altynbek pen osy bilim ordasynyń 10-synyp oqýshysy Anýar Aǵybaev qanjyǵasyna baılady.
Qazaqstandyq oqýshy Sıngapýrda ótken robototehnıka chempıonatynda kúmis júlde ıelendi
Ulttyq quramany jarysqa daıyndaǵan jetekshiler – Qazaqstan-Brıtan tehnıkalyq ýnıversıtetiniń 4-kýrs stýdenti Iаroslav Galberg jáne Almaty qalasyndaǵy №165 mamandandyrylǵan lıseıiniń matematıka páni muǵalimi Ashat Abdykýlov.
