TJ mınıstrligi Halyqqa jáne azamattyq qorǵaý salasyndaǵy mamandarǵa habar berý, bilimdi nasıhattaý, oqytý qaǵıdalaryna «Volonterlik uıymdardyń (toptardyń) basshylary men úılestirýshileri» qosymsha sanatyn engizdi. Oqytý 2 jylda 1 ret ótkiziletin bolady. Oqytý osy jyly bastaldy.
Is-shara barysynda Ulttyq volonterlik jelisinyń dırektory Tatıana Mıronıýk tabıǵı jáne tehnogendik sıpattaǵy TJ týyndaǵan kezde halyqqa kómek kórsetýge ázir ekendikterin jetkizdi.
О́z kezeginde TJ mınıstri Iýrıı Ilın qajet bolǵan jaǵdaıda halyqaralyq tájirıbeni eskere otyryp, azamattyq qorǵaý salasyndaǵy zańnamalyq aktilerge ózgerister engizýge daıyn ekendigin atap ótti.
Tótenshe jaǵdaılar mınıstrligi úkimettik emes jáne volonterlik uıymdarmen tyǵyz qarym-qatynysta jumys júrgizýde.
Birlesken jumystardyń sheńberinde tótenshe jaǵdaılardyń aldyn alý jáne olardyń saldaryn joıý, izdestirý is-sharalary men zardap shekkenderge alǵashqy medısınalyq jáne psıhologııalyq kómek kórsetý boıynsha aýqymdy sharalar atqaryldy.
Úkimettik emes jáne volonterlik uıymdar jumysynyń tıimdiligi Almaty qalasyndaǵy sel aǵyny (2015 jyl), Aqmola, Aqtóbe, Almaty, Shyǵys Qazaqstan, Batys Qazaqstan, Qaraǵandy, Qostanaı, Pavlodar jáne Soltústik Qazaqstan oblystaryndaǵy tasqyn sýlardy (2016-2020 jyldar) joıý kezinde baıqaldy.
Zardap shekken eldi mekenderde volonterler ózender men aryqtardy tazartý, jyly kıim jınaý, azyq-túlik jetkizý men taratý, qurylys materıaldaryn satyp alý jáne ınjenerlik qurylystar salý boıynsha kómek kórsetti.
Halyqtyń tabıǵı sıpattaǵy tótenshe jaǵdaılar týraly, sondaı-aq TJ kezindegi is-qımyldar tártibi jóninde habardar bolýy úshin belsendi jumys júrgizilýde.
Bilim berý uıymdarynda volonterlerdiń qatysýymen ashyq sabaqtar men ekskýrsııalar ótkiziledi. Volnterler mektepter men balabaqshalarda ótkiziletin oqý-jattyǵýlarǵa qatysady.
2020 jyly zilzalalar qaýip-qaterlerin azaıtý jáne tótenshe jaǵdaılardyń saldaryn joıý, azamattardy izdeý, qaýipsizdik sharalary jáne TJ týyndaǵan kezde shuǵyl qyzmetterdi habarlaý máseleleri boıynsha 326 oqytý semınar men dóńgelek ústel ótkizildi.
