Elorda • 26 Qańtar, 2021

Elorda dárigerleri qala turǵyndaryna úndeý jasady

45 ret kórsetildi

Koronavırýspen kúreste aldyńǵy qatarda júrgen elordalyq juqpaly aýrýlar mamandary qala turǵyndaryn sanıtarlyq-epıdemııalyq normalardy saqtaýǵa shaqyrdy, dep habarlaıdy Egemen.kz

Koronavırýspen aýrýhanaǵa túsýshilerdiń kóbeıýin eskere otyryp, medısına qyzmetkerleri karantın rejımin saqtaý boıynsha aldyn alý sharalaryn umytpaý kerektigin eske saldy.

«Kúzde naýqas sany az boldy. Keıbiri tipti vırýs toqtady dep te oılaǵan bolsa kerek. Biraq ınfeksııa túbegeıli joıylǵan joq. Koronavırýs údep turǵan shaqta kún men túndi aıyra almaǵan kezimiz boldy. Ýaqytqa qarap, qaı shaqta jumys isteýimiz kerektigin oılaǵan joqpyz. Koronavırýstyń kúrt órshýi men taralýynyń qaıtalanýyna jol bermeýimiz kerek. Keıbiri qala ishin betperdesiz aralap, sanıtarlyq normalardy elemeı jatqandary bar. Al biz munda kún saıyn naýqastardyń densaýlyǵy men ómiri úshin kúresip júrmiz», deıdi qalalyq juqpaly aýrýlar ortalyǵynyń dárigeri.

Stasıonarda koronavırýstan emdelip jatqan Áıgerim О́mirjanova aýrýhana tósegine tańylatynyna senbegen eken:

«Bul qaýipti vırýstyń elimizge zııan tıgizgenine bir jylǵa jýyq ýaqyt boldy. Osy ýaqyt ishinde men alańsyz júrip, densaýlyǵym týraly oılaǵan emespin, vırýs joq dep te oıladym. Biraq ózimdi nashar sezingen sátten bastap, birden medısınalyq kómekke júgindim. О́kinishke qaraı, menen koronavırýs shyqty. Shynymdy aıtsam, mundaı jaǵdaıǵa tap bolamyn dep oılamaǵan edim. Bul eshqandaı da ázil emes eken», dep A.О́mirjanova óz oıymen bólisti.

Esterińizge sala keteıik, qalada birqatar karantındik shekteý sharalary bar. Qala turǵyndary maska rejimin, áleýmettik qashyqtyqty saqtaýy, qoldaryn antıseptıkpen óńdeýi qajet.

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar