Qoǵam • 27 Qańtar, 2021

Turǵyn úı qurylysy biryńǵaı operatorynyń ataýy aýystyryldy

7 ret kórsetildi

2021 jylǵy 27 qańtar 09:57
Turǵyn úı qurylysynyń biryńǵaı operatory jańa ataýǵa ıe boldy, dep habarlaıdy Egemen.kz

«Báıterek» ulttyq basqarýshy holdınginiń enshiles uıymy «Qazaqstan ıpotekalyq kompanııasy» ıpotekalyq uıymynyń ataýy «Qazaqstan turǵyn úı kompanııasy» AQ bolyp ózgertildi.

Resmı qaıta tirkeý 2021 jylǵy 26 qańtarda tirkeýshi organda júzege asyryldy.

Esterińizge sala keteıik, Memleket basshysy Qasym-Jomart Toqaevtyń tapsyrmasy boıynsha «Báıterek» ulttyq basqarýshy holdınginiń turǵyn úı blogy úsh enshiles kompanııany – «Báıterek development» AQ, «Turǵyn úı qurylysyna kepildik berý qory» AQ jáne «Qazaqstan ıpotekalyq kompanııasy» IU» AQ Qazaqstannyń turǵyn úı qurylysynyń biryńǵaı operatoryna biriktirý arqyly ózgertildi.

2020 jylǵy 8 shildede Qazaqstan Prezıdenti «Qazaqstan Respýblıkasynyń keıbir zańnamalyq aktilerine turǵyn úı baǵdarlamalary operatorlarynyń sanyn qysqartý máseleleri boıynsha ózgerister men tolyqtyrýlar engizý týraly» tıisti Zańǵa qol qoıdy.

«Qazaqstan turǵyn úı kompanııasy» AQ-nyń jalǵyz aksıoneri 100% memlekettik aksııalar paketine ıelik etetin «Báıterek» holdıngi bolyp qala beredi. Birikken kompanııa Turǵyn úı qurylysynyń biryńǵaı operatory retinde mynadaı negizgi baǵyttar boıynsha jumysyn jalǵastyrady:

- ıpotekalyq qaryzdar berý;

- keıinnen satyp alý quqyǵymen jalǵa beriletin turǵyn úı berý;

- memlekettik baǵdarlamalar sheńberinde qurylys salýshylarǵa kredıt berý;

- jeke qurylys salýshylardyń kredıtterin jáne ıpotekalyq qaryzdardy sýbsıdııalaý;

- turǵyn úı qurylysyn qarjylandyrý jáne ınvestısııalyq jobalardy iske asyrý;

- turǵyn úı qurylysynyń aıaqtalýyna kepildik berý.

Osylaısha, Qazaqstan turǵyn úı kompanııasy el halqyn sapaly jáne jaıly turǵyn úımen qamtamasyz etýdi arttyrýǵa baǵyttalǵan memlekettik sharalardy odan ári iske asyrýdy, onyń ishinde qurylys salasyn qoldaý, turǵyn úı naryǵyndaǵy suranys pen usynystardyń teńgerimdi ósýi úshin jaǵdaı jasaý jáne ıpotekalyq kredıt berý jolymen qamtamasyz etedi.

Qazaqstan Úkimetiniń 2020 jylǵy 8 qyrkúıektegi № 557 qaýlysyna sáıkes «Qazaqstan ıpotekalyq kompanııasy» IU» AQ-na Turǵyn úı qurylysynyń biryńǵaı operatory mártebesi berilgenin atap ótý kerek.

 

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar