SQO PD Esirtki qylmysyna qarsy is-qımyl basqarmasynyń qyzmetkerlerimen qala mańyndaǵy aýyldardyń biriniń 57 jastaǵy turǵynynyń esirtki qylmystaryna qatystylyǵy týraly jedel aqparat kelip tústi. Jedel-izdestirý is-sharalary barysynda atalǵan aqparat rastaldy: er adam Astana jáne Bóketov kósheleriniń qıylysynda ustaldy.
Qyzmettik-izdestirý ıtterin paıdalanyp, Volkswagen avtomashınasynyń salonynda skotchpen oralǵan úsh polıetılen paket salynǵan qapty anyqtady. Ishinde ósimdik tektes erekshe ıisi bar zat boldy. Sot-hımııalyq saraptamanyń aktisi alynǵan zattyń salmaǵy 14 kg 540 gramm keptirilgen marıhýana ekendigin kórsetti.
Atalǵan fakti QR Qylmystyq kodeksiniń 296-baby 4-bóligi (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) boıynsha Sotqa deıingi tergep-tekserýlerdiń biryńǵaı tizilimine engizildi. Ustalǵan qamaýǵa alyndy, tergeý júrgizilýde. Er adam buryn birneshe ret sotty bolǵan: esirtki quraldarynyń zańsyz aınalymy úshin eki ret sottylyǵy bar. Asa iri mólsherde esirtki quraldaryn ótkizgeni úshin 2008 jyly sottalǵan.
Bas bostandyǵynan aıyrý ornynan 2018 jyly bosap shyqqan. SQO-da 2020 jyldyń 12 aıynda zańsyz aınalymnan 462 kg astam túrli esirtki zattary alyndy.
